Temirtaýda shaǵyn nesıe beretin mekemege qaraqshylyq shabýyl jasaǵan kúdikti bes jyldan on jylǵa deıin bas bostandyǵynan aıyrylýy múmkin, - dep habarlaıdy Qamshy.kz aqparat agenttigi Tengrinews.kz saıtyna silteme jasaı otyryp.  Qylmystyq is jalǵasyp jatyr. Kúdikti qamaýǵa alyndy.

Temirtaý qalalyq soty 30 jastaǵy kúdiktige qatysty bultartpaý sharasyn qoldanýǵa úkim shyǵardy.  "Qylmystyq qýdalaý organymen Temirtaý qalasynyń 30 jastaǵy turǵyny QR Qylmystyq kodeksiniń 192-baby 2 bóligi ("Qaraqshylyq") boıynsha kúdikti dep tanyldy. Sot kúdiktige qatysty eki aıǵa qamaýǵa alý týraly úkim shyǵardy", - dedi sot ókilderi. 

Eske salaıyq, 27 tamyzda Temirtaýdaǵy tanymal shaǵyn nesıe beretin mekemege qaraqshylyq shabýyl jasalǵan bolatyn. Er adamnyń áreketi vıdeoǵa túsip qalǵan. Kasashy qyzben sál tildeskennen keıin ol terezeni shaǵyp, kasaǵa kirip ketedi. Sosyn er adam 174 000 teńgeni alyp, shyǵýǵa asyǵady. Qyz ony toqtatpaqshy bolady. Alaıda er adam jeńinen úlken pyshaq alyp shyǵyp, qorqyta bastaıdy. Jedel tergeý sharalary barysynda kúdikti ustalǵan.