Ózbekstan somynyń dollarǵa shaqqandaǵy quny bir táýlikte eki esege arzandady dep jazady 24.kz-ke silteme berip Qamshy.kz aqparat agenttigi. Osylaısha birer kún buryn ǵana 1 dollardy 4 myń 210 somǵa satyp alyp júrgen ózbekter endi 8 myń150 somǵa saýdalaıdy. Sondaı-aq búginnen bastap bul eldegi jeke jáne zańdy tulǵalar naryqtaǵy baǵamen shekteýsiz somada aıyrbastaýǵa quqyly. Mundaı jarlyqqa el prezıdenti Shavkat Mırzıóev qol qoıdy.
Qujatta ulttyq valútanyń qunyn anyqtaýda tek qana naryqtyq mehanızmder paıdalanylatyny eskertilgen. Bıliktiń aıtýynsha, valúta aınalymyn retteý júıesi jaqsy nátıje kórsetpedi jáne ınvestısıa tartýda tejeýshi faktor boldy.
