Djoshýa men Pýlev 28 qazanda kezdesedi, - dep habarlaıdy Qamshy.kz aqparat agenttigi vesti.kz saıtyna silteme jasaı otyryp.

Entonı Djoshýa men bolgarlyq kásipqoı boksshy Kýbrat Pýlev arasyndaǵy jekpe-jek 28 qazan ótetin boldy.

IBF tıtýlynyń belbeýine basty úmitker Kýbrat Pýlev pen IBO, IBF ı WBA (Super) tujyrymy boıynsha, álem chempıony Entonı Djoshýa 28 qazan kúni Kardıfte jekpe-jek ótkizetin boldy. Bolgarıalyq boksshy óziniń feısbýktegi paraqshasyna kezdesý jaıly oıyn bildirgen eken. Ol óz sózinde «Entonı óte qaýipti jáne ataqty qarsylasymnyń biri. Onyń judyryqtasý máneri maǵan óte qolaıly. Bizdiń jekpe-jekte klınch degen múldem bolmaıdy, taza ashyq aıqastyń kýási bolasyzdar. Men jekpe-jekke saqadaı saı bolyp, Djoshýaǵa esh múmkindik bermeımin», – deıdi Pýlev.

Kýbrat Pýlev sharshy alańda  25 kezdesýdiń 13-in ýaqytynan buryn aıaqtap, bir kezdesýde jeńiliske ushyrasa, Djoshýa 19 jekpe-jeginiń barlyǵyn nokaýtpen utqan.

Esterińizge sala keteıik, Entonı Djoshýa sońǵy kezdesýin sáýir aıynda ýkraınalyq Vladımır Klıchkoǵa qarsy ótkizip, 11 raýndta tehnıkalyq nokaýtpen jeńiske jetken bolatyn.