Memleket basshysy N.Á. Nazarbaevtyń Ázirbaıjan Respýblıkasyna jumys sapary barysynda bergen tapsyrmasyna sáıkes, ústimizdegi jyly 21-23 qyrkúıek aralyǵynda Aqtaý qalasynda Kaspıı mańyndaǵy bes el delegasıalarynyń qatysýymen halyqaralyq jastar Forýmy (Budanári - Forým) ótedi dep habarlaıdy Qamshy.kz aqparat agenttigi.

Forým jastar saıasaty máseleleri boıynsha qatysýshy elder arasyndaǵy yntymaqtastyqty nyǵaıtýǵa, Elbasy N.Á. Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasynan týyndaıtyn jańǵyrý ıdeıalaryn shetelderge nasıhattaýǵa baǵyttalǵan.

Prezıdentimizdiń bolashaqqa kórsetken baǵdaryndaǵy rýhanı jańǵyrý baǵdarlamasynda da ata-qonys, týǵan el men jer, ósken ólkeniń qadirin biletin urpaq ósirýdi ultymyzdyń aldyna talap pen mindet qylyp qoıdy. Keleshek taǵdyrymyzǵa jaýapty býyn- jastarymyzǵa rýhanı qundylyqtardyń qunyn túsindirý,  júzege asyrý – bizdiń basty jaýapkershiligimiz.

Kaspıı Elderiniń jastar kóshbasshylary arasyndaǵy mádenıetaralyq dıalogtyq baılanysty  qalyptastyrý arqyly jastar uıymdaryn shoǵyrlandyrý jáne jas kóshbasshylar pikiralmasý alańyn qurý forýmnyń maqsaty bolyp sanalady.

Forým sheńberinde kelesideı is-sharalar ótkiziledi: «Caspi Leader Camp» - lageri Qazaqstannyń kóshbasshy jastaryna oqytý pikir-almasý alańy, qazaq - ázerbaıjan elderiniń jastar uıymdarynyń ózara yntamaqtastyq týraly memorandýmǵa qol qoıý rásimi, forýmnyń plenarlyq otyrysy men paneldik sesıalary, TEDex formatynda tanymal kóshbasshylar men sarapshylardyń pikir almasýlary, «Otpan taý» tarıhı-mádenı keshenine týr, ART jastar festıvali, aqyndar – músháırasy jáne Mańǵystaý oblysy ákiminiń kýbogi úshin «Jaıdarman» saıysy, «Breık dans», «Vorkaýt», «Basketbol 3H3» sporttyq-mádenı sharalary jáne aımaq basshysynyń kýbogine arnalǵan «Uly dala qaharmandary» atty halyqaralyq pankratıonnan týrnır uıymdastyrylady.

Sonymen qatar Aqtaýda Qazaqstan estrada juldyzdarynyń basyn qosatyn «GAKKU» daýysy festıvali ótetin bolady.