Brazılıa polısıasy esirtki saýdalaýshylarǵa qarsy reıd júrgizip kem degende 80 adamdy tutqyndady dep habarlaıdy euronews-ke silteme berip Qamshy.kz aqparat agenttigi. Qamaýǵa alynǵandar alty tonna kokaındi Eýropaǵa jóneltpek bolǵan. Zańsyz áreketti iske asyrý úshin qylmystyq top San-Paýlý shtatyndaǵy Santos portyn paıdalanǵan. Tártip saqshylarynyń aıtýynsha, esirtkige qarsy operasıa eldiń alty aımaǵynda júrgizilgen. Oǵan 800 polıseı qatysty. 

Tutqynǵa alynǵandardyń 28-i – Santos qalasyndaǵy port termınalynyń qyzmetkerleri. Olar esirtki saýdalaýshylarmen aýyz jalasyp, ózara sybaılastyq ornatqan. Sóıtip tyıym salynǵan taýarlardy tıisti baǵytqa tasymaldap otyrǵan. Kolýmbıa, Perý, Bolıvıadan kelgen kokaınniń basym bóligi Eýropaǵa jóneltilgen.