"Halyq komýnıseri" depýtattar fraksıasy depýtaty Irına Smırnovanyń pikirinshe, oqýlyq ádebı orys tilinde jazylýy tıis.
"Álbette, basqa da sóıleý formasyn kórsetken jón, biraq bilim mınıstrligi búgin usynyp otyrǵan oqýlyq eshqandaı synǵa tózbeıdi.Óz basym, mysaly úshin, bomjdarǵa arnalǵan taqyryptyń oqytylýyna qarsymyn. Bul sóz bizdiń tilimizge jat. Adamnyń ómirin oqytý barysynda bul sózdi qoldaný, adamdy syılamaýmen teń", — deıdi depýtat.
"Alısa v strane chýdes" ertegisi májilismenniń kóńiline kelmegen sıaqty.
"Mundaı ertegi tildi ózimiz biletin sózderden bólek túsinýge múmkindik beredi. Bul matematıkadaǵy X pen Y sıaqty. Biraq qalǵan jaıttar kókeıimizde kóptegen saýaldar týyndatty, kópshilikke uǵynyqsyz. Qanshama suraqtar týyndaǵanda, bilim mınıstrlini áreketiniń durys-burystyǵy jaıly oılanýy tıis. Bálkim, osyndaı oqýlyq shyǵaryp, qatelik jasaǵan shyǵar? Endi bul oqýlyqty qoldanýǵa májbúr, sebebi ol jalǵyz negizgi oqýlyq", — deıdi ol.
Onyń aıtýynsha, bul kitaptar tórt jyl qoldanysta bolady.
"Oǵan kóp mólsherde memlekettik búdjet qarajaty jumsalǵan. Óıtkeni oqýlyqtyń baǵasy úsh myń teńgeden asady. Bul elimiz úshin tym kóp", — dep sanaıdy Smırnova.
"Nur Otan" partıasy depýtaty Bahtıar Makenniń aıtýynsha, jańa qazaqstandyq oqýlyqtar qandaı da bir reseılik uıǵarymǵa saı shyǵarylýda, bul ulttyq qaýipsizdikke qaýip tóndiredi.
"Menińshe, bul durys emes. Kitaptar shyǵarylǵan kezde, olardy tekseretin arnaıy komısıa bar. Qanshama qarajat bólinedi, endi sol ketken aqsha ótelýi tıis. Osyǵan jol bergen adamdar óteýi tıis. Bul jaıttyń ulttyq qaýipsizdik máselesi ekenin túsinýleri kerek. Bul másele áli kóteriletin bolady. Qandaı da bir sheshimge kelemiz dep oılaımyn", — dep sózin túıindedi depýtat.
