Aqmola oblysynda kún kúrkirep, qatty jel soǵýy saldarynan, tabıǵı órt shyǵyp, órt sóndirýdiń qıyndyǵyna baılanysty órt sóndirýshiler ormannyń basym bóligin saqtap qalý maqsatynda bir bóligin qurban etýge sheshim qabyldady, dep habarlaıdy Qamshy.kz aqparat agenttigi  Qazaqstan İİM Tótenshe jaǵdaılar jónindegi komıtettiń málimetine súıenip.

Órt 5 qyrkúıekte tústen keıin Quzǵan orman sharýashylyǵy "Kenesskoe" orman qojalyǵy aýmaǵynda shyqqan. Kún kúrkirep, naızaǵaı oınaýy saldarynan, qurǵaq shóp tutanyp, jalyn orman massıvin alyp ketken. Qatty jel órttiń odan saıyn laýlap janýyna sebep bolady. Orman kúzeti jumysshylaryna kómekke Aqmola oblysy tótenshe jaǵdaılar jónindegi departamentiniń kúshteri keledi.

Óńirdiń Tótenshe jaǵdaılar jónindegi departamenti basshysy Alekseı Sovetovtyń ózi órtti sóndirýge basshylyq jasady.

Tez arada shara qoldanylyp, tilsiz jaý sheńbermen qorshalyp, sóndirildi. 

Órttiń bastapqy aýmaǵy 40 ga ormandy quraıdy.