Aqtóbede Qytaı kompanıasynda jumys isteıtin qazaqstandyq azamat soqqyǵa jyǵylǵanyn málimdedi, dep jazady Qamshy.kz aqparat agenttigi. Bul týraly «Alash joly» jalpyhalyqtyq qozǵalysy» respýblıkalyq qoǵamdyq birlestiginiń basqarma múshesi Maqsat İlıasuly óziniń Feısbýktegi paraqshasynda habarlady.
Maqsat İlıasulynyń málimetine súıensek, Aqtóbe oblysynyń Muǵaljar aýdany «Jańajol» vahtalyq aýylynda ornalasqan qytaıdyń «Impek servıs» jaýapkershiligi shekteýli seriktestiginiń (ataýy naqty bolmaýy múmkin) jumys alańynda Iýı Ge Bın atty qytaı azamaty sol jerde birge jumys isteıtin 1978 jyly týǵan Murat Mýsa atty Qazaqstan azamatyn soqqyǵa jyqqan. Bul týraly qoǵam belsendisine aqtóbelik birneshe azamat habarlasyp aıtqan.
Murat Mýsa 24 tamyz kúni Aqtóbe oblystyq aýrýhanasynyń neırohırýrgıa bólimine túsken. Murat Mýsanyń aıtysyna qaraǵanda onyń mıy shaıqalǵan.
Atalǵan jaǵdaı boıynsha 27 tamyz kúni QR Qylmystyq kodeksiniń densaýlyqqa qasaqana aýyr zıan keltirý jónindegi 106- baby boıynsha qylmystyq is qozǵalǵan.
Búginde Aqtóbe oblysynyń Muǵaljar aýdany ishki ister bóliminiń aǵa tergeýshisi Syrym Aıtymbetov tergeý amaldaryn júrgizýde.
Aıta keteıik, Murat Mýsanyń qorǵaýshysy Aqtóbe oblystyq advokattar alqasynyń advokaty Saǵymbaı Qońyrbaev.
Murat Mýsa jergilikti medısına qyzmetkerleriniń ózine qoıylǵan dıagnoz týraly aqparatty bermeı otyrǵanyn aıtty.
Al tergeýshi Murat Mýsanyń basyna soqqy tıgeniniń naqty aıǵaqtarynyń joq ekenin aıtýda. Sonymen birge arnaıy medısınalyq saraptaýdyń qorytyndysyn kútip otyrǵanyn baıandady.
«Bul jaǵdaıdyń túsiniksiz tustary kóp bolyp tur. Sondyqtan, máseleniń mán jaıyn bilýge qol ushyn beretin aqtóbelik azamattar, belsendiler, jýrnalıser bolsa kómektesińizder.
Murat Mýsanyń ózimen, advokaty Saǵymbaı Qońyrbaevpen jáne tergeýshi Syrym Aıtymbetovpen tikeleı telefon arqyly sóılestim. Adamdardyń, mekemelerdiń ataýy durys jazylmaǵan bolsa, keshirim suraımyn», – dedi Maqsat İlıasuly.
