2017 jyldyń 6-7 qyrkúıeginde Astanada alǵash ret basqarý boıynsha keńesshilerdiń V Halyqaralyq Konferensıasy ótýde. Bul basqarý konsaltıńi salasyndaǵy asa iri ǵalamdyq oqıǵa. Konferensıa taqyryby «Zıatkerlik kópirler: bilim, tájirıbe, tehnologıalar: tabystaý, beıimdelý jáne endirý».
SMS Halyqaralyq Konferensıasy – búkil álemniń keńesshilerin kásiptiń damý múmkindikteri men salanyń máselelerin talqyǵa salýǵa arnalǵan jalǵyz alań. Astanadaǵy konferensıanyń biregeıligi sol – jergilikti kompanıalar konsaltıń salasyndaǵy búgingi trendter jaıly aqparatty búkil álemge tanymal spıkerlerden alyp, ozat tájirıbe, toptyq aqyl-parasat sınergıasy men biregeı sheshimderdiń sınteziniń kýási, ári qatysýshysy bola alady.
Jyl saıyn CMC Global (Menedjment boıynsha keńesshiler uıymdarynyń Halyqaralyq Keńesi) uıymy álemniń túrli elderinde halyqaralyq konferensıalar ótkizip otyrady. 2017 jyly konferensıany qabyldaýdyń joǵary mártebesi menedjment boıynsha keńesshilerdiń Qazaqstandyq Palatasy - CMC Kazakhstan-ǵa buıyrdy. SMS konferensıalarynda álemniń 50-den asa elderiniń jetekshi keńesshileri kezdesedi. Bıylǵy qatysýshylardyń jalpy sany 31 elden kelgen 200-den asa adamdy quraıdy.
Astanadaǵy bıylǵy konferensıa spıkerleri Qazaqstanǵa Azıa-Tynyq muhıttyq aımaqtan, Eýropadan jáne Amerıka kontınentinen keldi.
Qazaqstandyq orta úshin halyqaralyq konferensıany ótkizýdiń mańyzyn CMC Kazakhstan Basqarma Tóraıymy Gúlsim Ahtamberdıeva atap ótti: «Biz, Qazaqstan keńseshileri, osy konferensıany ótkize otyryp, Úkimet pen bızneske óz quzyretterimizdi alǵa tartyp, bizdi álemdik deńgeıde moıyndaıtynyn kórsetkimiz keledi. Qazaqstan keńesshileri el ekonomıkasyna ınovasıalar kiriktirip, jańa tehnologıalar men sheshimder endirgisi keledi, ári oǵan shamasy da ábden jetedi. Bizdiń mamandar iri kompanıalarǵa aqyl-keńes beredi, Qazaqstannyń shaǵyn jáne orta bıznesine kómek kórsetedi. Qazaqstandaǵy SHOB úlesi, bárimiz biletindeı, eldiń JİÓ 25% quraıdy, al AQSH-ta bul kórsetkish 62% jáne Japon elinde 63%».
Konferensıa taqyryptary:
- Qyzmetterdi «zıatkerlik kópirler» qurý arqyly, tájirıbe men zıatty, bilim men tehnologıalardy, ınovasıalar men quzyretterdi biriktirý jolymen kórsetý;
- Bilimderdi jańa ortada qoldaný jáne jańa jaǵdaılarǵa beıimdelý;
- Konsaltıń qyzmetterindegi muqtajdyqtardy baǵalaý jáne keńesshini tańdaýda kómek kórsetý;
- Keńesshiler quzyretterin arttyrý jáne ISO:20700 halyqaralyq standarty.
İs-shara áriptesteriniń biri Eýropalyq qaıta qurý jáne damý banki qatysýshylarǵa konsaltıń salasyndaǵy álemdik juldyzdar: Mustafa Ichıl (Týrsıa) jáne Endrú Rodjersonnan (Ulybrıtanıa) sheberlik sabaqtaryn alý múmkindigin usyndy. Mustafa Ichıl, óziniń Microsoft, Google jáne Apple-degi tájirıbesine arqa súıeı otyryp, bıznes-taldamany, eptilikti jáne klıenttermen qarym-qatynasty jaqsartý joldarymen bólisedi. Endrú Rodjerson zıatkerlik kóshbasshylyq óneri týrasynda áńgime qozǵaıdy. PwC sekildi jetekshi keńseshilik kompanıalardyń úlgilerin jergilikti naryqqa beıimdeı otyryp, ol shaǵyn bıznes úshin laıyqty sheshimderdi usynady: kóbirek klıent tartý jáne jumysty jaqsyraq josparlaý jáne atqarýda jańa tehnologıalardy paıdalaný joldary.
Oǵan qosa, konferensıa aıasynda 6 dóńgelek ústel ótkiziletin bolady, onda CMC Kazakhstan bazasynda TMD/Ortalyq Azıa jáne Mońǵolıa Aımaqtyq Habyn qurý máseleleri; Bıznes Mekteptermen yntymaqtasýdyń jańa baǵyttary – CMC-Global Academic Fellows jobasy arqyly basqarý konsaltıńine oqytýǵa arnalǵan fakúltetter/kafedralar ashý máselesi ortaǵa salynady. Konferensıa qatysýshylaryna «Constantinus Award» - basqarý konsaltıńi sarapshysy Iýtaka Fýkýıamadan Kaızen boıynsha sheberlik sabaǵyn alý múmkindigi usynylady. Sonymen qatar, Jibek Ekonomıkalyq Belbeý seksıasy men Jasyl Ekonomıka boıynsha dóńgelek ústel ótkiziledi.
CMC Global – bul aımaqtyq, salalyq, korporatıvtik tıistiliginen táýelsiz, búkil álemniń basqarýshylyq keńesshiler qaýymdastyqtaryn biriktiretin BUU uıymy CMC Kazakhstan 2014 jyldan bastap CMC Global-dyń naqty múshesi bolyp tabylady. CMC Kazakhstan – bul qoǵamdyq birlestik, onyń alǵa qoıǵan mindeti: «SMS sertıfıkattaý arqyly menedjment boıynsha Keńesshi – kásibi mártebesin arttyrý, basqarý konsaltıńinle kásipqoılyq pen etıkanyń halyqaralyq standarttaryn engizý». Qazaqstan keńesshileri, CMC Kazakhstan músheleri halyqaralyq keńesshilermen bir qatarda turady, ári olarmen quzyretteri teń jáne olarmen birdeı búkil álemde tanylyp, moınydalatyn CMC® – Certified Management Consultant halyqaralyq sertıfıkatyna ıe.
