Volonterlerler forýmynda EKSPO – 2017 kórmesiniń úzdik eriktilerine qurmet kórsetildi. Kórmeniń 100-den astam belsendi volonterlerin kelesi sanattar boıynsha marapattady: (upaılar júıesi boıynsha) Úzdik bestik, «Altyn volonterler», Tım-Lıderler, Úzdik Belsendiler. Alıa Dáýrenbekova, «Altyn volonter» - Batıma Qusaınova, shet eldik Italıandyq volonter - Matıa Demarkı, Dıas Talǵatuly Úzdik bestik qatarynda. «Astana EKSPO-2017» UQ» AQ Basqarma Tóraǵasy Ahmetjan Esimov jáne QR Bilim jáne ǵylym mınıstri Erlan Saǵadıev atalǵan eriktilerge sertıfıkattar jáne estelik syılyqtardy tapsyrdy. Óz sózinde Ahmetjan Esimov volonterler óz mindetterin joǵarǵy deńgeıde oryndaǵanyn atap ótti, dep habarlaıdy Qamshy.kz aqapart agenttigi EKSPO-2017 kórmesiniń medıa-ortalyǵyna silteme jasaı otyryp.

«Volonterlik qyzmet  Kórmeniń tabysty ótýiniń mańyzdy faktory jáne Kórme jumysynyń jeke fýnksıonaldy baǵyty bolyp tabylady. EKSPO-2017 Kórmesi aıasynda barlyǵy 8,5 adam iriktelip, arnaıy oqytyldy. Olardyń 5,5 myń qyzmetkerleri Kórme aýmaǵynda jumys isteýge múmkindik aldy. Astana qalasynan 2500 astam volonterler, Almaty qalasynan 900, el óńirlerinen 1600 eriktiler jumyldyryldy. Sondaı-aq Reseı, Qytaı, AQSH, Belgıa, Italıa, Polsha, Mońǵolıa, Qyrǵyzstan jáne ózge memleketterdiń volonterleri óz úlesin qosty. Eriktilerdiń ortasha jasy -  19 jas, eń úlkeni- 70 jasta. Bul «Altyn volonterler» dep atalatyn 30 eriktiler. 60 volonter Kórmeniń bastalý ýaqytynan bastap jumys isteýde jáne 4 kúnnen keıin Kórmeniń Jabylý saltanatyna qatysady. Kórmeniń jumysy barysynda  3 otbasylyq jup quryldy», - dep málimdedi Ahmetjan Esimov.

Marapattaý rásimi Alı Okapov, Almaz Kishkenbaev sıaqty estrada juldyzdary men volonterler qatysqan konserttik baǵdarlamamen jalǵasty.

Kórmeniń 3 aı jumysy barysynda Qazaqstannyń 16 obylysy jáne álemniń 35 elinen kelgen volonterler 16 baǵyt boıynsha kúnine 8 saǵat boıy 3 maýsymmen óz mindetterin oryndaǵanyn eske salamyz.