Kúnde sońǵy 12 jylda alǵash ret qatty jarqyl oryn aldy. Ol eń úlken eki kún daqtarynyń qosylý nátıjesinde paıda bolǵan, dep habarlaıdy Qamshy.kz aqparat agenttigi. Bul jaıynda Lebedev atyndaǵy RAN ınstıtýtynyń Kúnniń rentgendik astronomıasy Laboratıa qyzmetkerleri málimdedi.

«Mundaı qýat tek Kúnde ǵana bolady jáne de ol óte sırek, biregeı jaǵdaılarda kún belsendiliginiń shyńynda qalyptasady. Belgili bolǵandaı, mundaı qatty deńgeıdegi jarqyl kún mınımýmy aıasynda paıda boldy, ǵalymdar áli birshama zertteýler júrgizip, anyq-qanyǵyna jetýi tıis», - deıdi astronomdar.

Rentgendik qýatyna baılanysty kún radıasıasynyń jarqyly bes klasqa bólinedi: A, V, S, M jáne de H. Eń tómengi klass A0.0 bolyp tabylady, onyń qýaty Jer orbıtasynda sharshy metrge 10 nanovattyń sáýlelený qýatyna sáıkes keledi. Kelesi áripke aýysqanda qýat 10 esege artyp otyrady.

Keshe Kúnde oryn alǵan jarqyl H klassyna tán jáne de oǵan H9.3 degen bal berildi. Ǵalymdardyń aıtýynsha, jarqyl Kúnniń Jerge qarap turǵan betinde oryn alǵan, sol sebepti de onyń Jer planetasyna áseri kóbirek bolady. Bul qubylystyń áseri Jerge, ǵaryshkerlerge jáne orbıtadaǵy spýtnıkterge qalaı bolatyny belgisiz, sondyqtan da ol jaıynda qandaı da bir boljam aıtý ázirge múmkin emes.

Mamandardyń aıtýynsha, kún belsendiliginiń dárejesi on baldyq shkaladan asyp, 10.3 balǵa jetti.