Pavlodar qalasynda jantúrshigerlik jol apaty oryn aldy. Eki oqýshy qyz tramvaıdyń astynda qalyp, saldarynan bireýi kóz jumdy, dep habarlaıdy Qamshy.kz  aqparat agenttigi óńirlik baspasóz qyzmetine silteme jasap.

Bul jaıynda jergilikti agenttikke oqıǵa kýágerleri habar bergen. Jantúrshigerlik jol apatynyń sýretteri ınstagram jelisindegi @tipavlo paraqshasynda jarıalandy.

«Oqıǵa búgin tańǵy 7:43 shamasynda oryn alǵan. 2007 jáne 2009 jylǵy eki qyzdy Lomov pen Kataev kóshesindegi qıylysta tramvaı basyp ketken. Ókinishke oraı, qyzdardyń bireýi oqıǵa ornynda qaza tapty, al ekinshisi qazirgi ýaqytta aýrýhanada reanımasıa bóliminde jatyr. Jaǵdaıy tym aýyr», - deıdi óńirlik densaýlyq saqtaý basqarmasynyń basshysy Nurlan Orazalın.

Pavlodar tramvaı basqarmasynyń baspasóz qyzmetiniń habarlaýynsha, tramvaı alúmın zaýytyna qaraı ketip bara jatqan. Rólde júrgizýshilik tájirıbesi 5 jyl bolǵan 1987 jylǵy qyz otyrypty.