Oralda úsh balanyń anasy mántiden ýlanyp kóz jumdy, dep habarlaıdy Qamshy.kz aqparat agenttigi «Ýralskaıa nedelá» portalyna silteme jasap.

46 jastaǵy áıeldiń ólimine qatysty tergeý organdary qylmystyq is qozǵady. Balalardyń ýlanýyna baılanysty ispen ıývenaldy polısıa aınalysyp jatyr.

BQO İİD málimetine súıensek, otbasy mántiden ýlanǵan. «Úsh balanyń úlkeni (qyz bala dep boljandy) mántiniń buzylyp ketkenin aıtyp, jeýden bas tartqan. Ýlanǵan anasy oqıǵa ornynda kóz jumdy. Úsh bala oblystyq juqpaly aýrýlar aýrýhanasyna jetkizildi», - dep habarlady İİD baspasóz qyzmeti.

BAQ málimetterinshe, 25 tamyz kúni jedel járdem brıgadasy 1971 jylǵy Oral turǵynynyń qaıtys bolǵanyn málimdedi. Qaıtys bolǵan áıeldiń balalary «aýyr gastroenterokolıt, 2-3 dárejeli eksıkoz, 2-3 dárejeli ınfeksıalyq-toksındi shok» dıagnozymen jansaqtaý bólimine jatqyzyldy.