Benzınniń tapshylyǵy Jezqazǵan, Sátpaev jáne Ulytaýda oryn aldy. Janarmaı quıý beketterinde oryn alǵan tapshylyǵyn, jaýapty sheneýnikter munaı óńdeý zaýyttarynyń ekeýi birdeı josparly túrde jóndeý jumystaryna jabylýy dep túsindirip, tez arada jaǵdaıdy durystaýǵa ýáde berdi.

Alaıda, osy arada taǵy da qosymsha málimetterge sáıkes benzın naryǵynyń ekspertteri elde janarmaı tapshylyǵy oryn alyp, baǵanyń qymbattaýyn boljaıdy.  Bul týraly Qamshy.kz aqparat agenttigi sputniknews.kz málimetine súıenip habarlaıdy. 

"Qazaqstanda benzın "erkin aınalymǵa" túskeli beri janarmaı baǵasyn naryq belgileıdi, memlekettiń bul máselege qatysy joq. Sondyqtan olar benzınniń qymbattaýyna túsinikteme bermeıdi", — deıdi munaı-gaz salasynyń eksperti, ekonomıs Sergeı Smırnov. 

— Ádette Qazaqstanda benzın jylyna eki ret qymbattaıdy – kóktemde jáne kúzde jáne osyǵan oraı kóptegen ekspertter muny maýsymdyq faktor dep túsindiredi. Osyǵan deıingi qymbattaý kóktemde oryn alǵan edi…

— … al qazir kúz mezgili – astyq jınaý, demalystan qaıtý, mashınasy bar stýdentterdiń oqýǵa oralý… suranys artqan kezde – baǵa da ósedi. 

— Iaǵnı, shyn máninde naryqtaǵy oryn alǵan jaǵdaı janarmaıdyń qymbattaýyna ákeletin sebepteri bar ma?

— Qazaqstanda ondaı sebepter únemi bolady. Biraq, meniń oıymsha eń basty sebep maýsymdyq bolyp tabylady. Degenmen, janarmaı baǵasy ınflásıanyń qýyp jetýde: jyldyń basynan beri benzın orta eseppen alǵanda 4,3%,  dızel – 11,1%  qymbattady. Al, resmı ınflásıa málimetterine sáıkes 6-8% aralyǵyn quraıdy.