Qazaqstan ondaǵan paıdaly qazba ken ornyn saýdaǵa shyǵardy. Qazaqstan ınvestısıa jáne damý mınıstrligi resmı saıtynda jer qoınaýyn paıdalaný operasıalaryn júrgizý úshin berilmek 109 jer ýchaskesiniń tizimi jarıalandy. Bul týraly Qamshy.kz aqparat agenttigi habarlady.
Mınıstrlik "jer qoınaýyn paıdalanýǵa quqyq beretin aýksıon túrindegi konkýrs" 28 qazanǵa belgilengenin habarlaıdy. Aýksıonǵa qatysýǵa ótinish qabyldaý 27 qyrkúıekte bastalyp, 27 qazanda aıaqtalady.
Saýdaǵa negizinen altyn jáne túrli-tústi metal ken oryndary shyǵarylǵan. Biraq aýksıonǵa qatysýshylar sonymen qatar qara metaldar men ken oryndary da bar ýchaskeler lotyna da qatysa alady. Tizimdegi segiz jer ýchaskesiniń keıbiri jartylaı, keıbiri tolyqtaı Qaraǵandy oblysyndaǵy Saryshaǵan áskerı polıgony aýmaǵynda ornalasqan.
Reseı Saryshaǵan polıgonynyń bir bóligin 1996 jyly Qazaqstan men Reseı úkimetteri arasynda jasalǵan kelisim boıynsha jalǵa alyp otyr. Polıgonnyń qalǵan bóligi Qazaqstannyń qaraýynda.
Aýksıonǵa negizinen geologıalyq barlaý jumystaryn qajet etetin jer qoınaýy ýchaskeleri shyǵarylǵan.
