Redaksıamyzǵa Jambyl oblysy, Qordaı aýdany, Qarasý aýylynyń turǵyny Anıa Saıpysheva  Qamshy.kz aqparat agenttigi arqyly oblys basshylyǵyna dat aıta keldi.

Qarasý aýylynyń turǵyndary atynan Oblysy basshylyǵyna ótinishin arqalaı kelgen Anıa Saıpysheva  Qordaı aýdanyna qarasty «Qarasý» aýylynyń atyn» Mombek aýyly» dep ózgertilgenin talap etedi.

Sebebi aýyl turǵyndarynyń paıymynsha «Qarasý» aýylynda aýyl atyna baılanysty kóptegen qaıǵyly oqıǵa bolyp turady.

«Qarasý» degen ataý aýylǵa qaıǵy-qasiret alyp keledi»,- deıdi eken aýyl turǵyndary. Anıa Saıpyshevanyń aıtýynsha, ólim sanyn azaıtý úshin Qarasý aýylynyń atyn ózgertý qajet.  Osy jyldyń shilde aıynyń ózinde Qarasý aýylynda jeti adam qaza tapqan. Budan basqa aýylda kólik apaty oqıǵasy da kóbeıgen.  

«Burynda Qordaı aýdanyna qarasty  Keńes  degen aýyl bolatyn. Sol aýylda ólim men kólik apaty  kóp bolǵannan keıin aýyldyń atyn Ótegen dep aýystyrdy. Qazirgi tańda aýylda kólik apaty men adamdardyń qaıtys bolýy azaıdy. Qordaı aýdanyna taǵy bir aýyly Qasyq aýylynyń atyn Áljan ana dep ózgertpekshi. Osy ispen qatar Jambyl oblysy ákimdigi  Qarasý aýylynyń da atyn Mombek aýyly dep ózgertse degen tilegimiz bar. Sebebi,  bizdiń  aýylda Mombek bıdiń mazary bar.  Túrkistanǵa bara jatqan  adamdar Mombek bı mazaryna at basyn buryp, duǵalaryn oqyp ketedi. Aýyldy Mombek aýyly  dep ataýdy  aýyl aqsaqaldary da qoldap otyr. Qarasý aýylynda qazirgi tańda 4724 adam ómir súrip jatyr»,-  deıdi Anıa Saıpysheva.