Aqmola oblysynda tikushaqty qondyrý kezinde 3 ekıpaj múshesi zardap shekti, - dep habarlaıdy Qamshy.kz aqparat agenttigi.

Aıta ketetin bolsaq, oqys oqıǵa búgin 22 qyrkúıekte bolǵan. Áýe kóligi apatynda ekıpajdyń barlyq músheleri aman qalǵan.

Oblystyq densaýlyq saqtaý basqarmasy baspasóz qyzmetiniń málimeti boıynsha, tótenshe jaǵdaı qyrkúıektiń 22-de túnde oryn alǵan. Aqkól aýdany aýmaǵynda Mı-2 tik ushaǵyn qondyrý kezinde áýe kóligi jerge qatty qonyp, borttan órt shyqqan. Osynyń saldarynan tikushaq ishinde bolǵan ekıpaj músheleri 1969 jyly týǵan bort komandıri Aleksandr Mankov, bort mehanıgi 1956 jylǵy Gennadıı Balýev jáne taǵy bir ekıpaj múshesi 1969 jylǵy Dýman Baıbýsınov zardap shekken.

Tikushaq  Aqkóldegi Maloaleksadrovka aýyly mańynda jerge joǵary jyldamdyqpen qonyp, borttan órt shyǵyp, túgeldeı órtenip ketken.

Bort komandıri Aleksandr Mankov pen ekıpaj múshesi Baıbýsınov tikushaqtan shyǵyp úlgergen, al bort mehanıgi Balýevti kúıik shalyp, aýrýhanada jatyr.