Búgin Semeı qalasynda ult kósemi Álıhan Bókeıhannyń eskertkishi ashyldy, - dep habarlaıdy Qamshy.kz aqparat agenttigi. Eskertkishtiń ashylýyna oblys ákimdiginiń basshylyǵy men zıaly qaýym ókilderi, respýblıkalyq «Aq jol» partıasynyń músheleri qatysyp, sóz sóıledi. Eskertkishtiń avtory Baqytbek Muhamedjanov.

Eskertkishtiń ashylýyna jınalǵan halyqpen birge Parlament Májilisiniń depýtaty, «Egemen Qazaqstan» gazeti AQ basqarma tóraǵasy, Halyqaralyq Túrki akademıasynyń prezıdenti Darhan Qydyráli, Gýmılev atyndaǵy Eýrazıa ulttyq ýnıversıtetiniń prorektory Dıhan Qamzabekuly, profesory Ǵarıfolla Esim SHQO ákiminiń birinshi orynbasary Nurymbet Saqtaǵanov, Semeı qalasynyń ákimi Ermak Sálimov t.b. qatysty. Ult kóseminiń eskertkishiniń ashylý saltanatyna kelgen belgili jazýshylar men aqsaqaldar izgi tilekterin bildirdi.

Eske sala ketetin bolsaq, 2012 jyly Parlament tarıhynda Alash arystaryn alǵash atap, depýtattyq saýal jasaǵan   «Aq jol»  partıasy 2015 jyly  taǵy da Úkimetke osy máselege baılanysty depýtattyq saýal joldaǵan edi. Ony  partıa tóraǵasy Azat Perýashev jarıalaǵan.  Onda Alashordanyń astanasy bolǵan Semeıdi Alash qalasy dep ataý, sol qalada Alash Úkimetiniń basshysy Álıhan Bókeıhanǵa eńseli eskertkish ornatý jóninde usynystar aıtylyp edi.

Foto inform.kz saıtynan alyndy.