Iá, bul sózdi Qyrǵyzstannyń prezıdenti Almazbek Atambaev aıtqan. Ol 2014 jyly 7 qarashada Qazaqstanǵa alǵash ret resmı saparmen kelgen kezde tosynnan osyndaı pikir bildirdi. Almazbek Atambaev osydan 1-2 jyl buryn Qazaqstan týraly da, Elbasymyz týraly oń pikirde bolatyn. Ol Astanaǵa alǵash resmı saparmen kelip Qyrǵyzstandaǵy basty máselelerdi aıtqan kezde Nursultan Nazarbaev burynnan baýyrlas elge qol ushyn sozatynyn aıtyp ótti. Sol kezde Almazbek Atambaev qýanǵanynan bolar Nursultan Nazarbaevty óziniń týǵan aǵasyndaı kóretinin aıtqan edi.
Sondaı-aq Atambaevtyń QR memleket basshyna jaǵympazdanǵany ma, álde shynaıylyǵy ma belgisiz 2015 jyly tamyz aıynda Ystyq-kólge demalýǵa shyqyrǵan.
Atambaevtyń Qazaqstan týraly, Prezıdentimiz týraly maqtaý sózderi áli aıaqtalǵan joq. 2015 jyly tamyz aıynda Nursultan Nazarbaev Ystyq kólge demalýǵa barǵan kezde Almazbek Atambaev óz alǵysyn jaýdyryp, «qyrǵyz ben qazaq bir týǵan, eki eldiń shekarasynyń arasynda eshqandaı kedergi bolmaý kerek», — dep pikir bildirgen bolatyn. Sol kezdegi alǵysy da, tilge tıek etken qyrǵyz-qazaqtyń dostyǵy da jalǵan, jaǵympazdaný bolǵany ma? Álde Qazaqstannyń Qyrǵyzstanǵa kómek kórsetýi úshin ǵana aıtylǵan sózder me? Bul sózder Atambaevtyń birneshe jyl buryn oılastyrǵan astyrtyn saıasaty da bolýy ábden múmkin degen pikirde qalasyń, keıde...
Sonymen birge Atambaev 2014 jyly qarasha aıynda Qazaqstanǵa kelgen kezde jergilikti BAQ-qa suhbat bergen edi.
«Qyrǵyzda «qolda bar altynnyń qadiri joq», — degen jaqsy sóz bar. Qazaqstan halqy Nursultan Nazarbaevtyń qadirin bilsin. Men kóptegen eldiń prezıdentterimen kezdesip júrmin. Sonda meniń tańǵalǵanym álem Nazarbaevty baǵalaǵandaı eshbir eldiń basshysyn baǵalamaıdy. Kimmen kezdessem de Pýtın bolsyn, Merkel bolsyn basqa da eldiń basshylary Nazarbaevqa teń kelmeıdi. Nursultan Nazarbaevtaı basshylar dúnıede joq emes, alaıda az.», — dep suhbat bergen.
Nazarbaevtaı prezıdenttiń qadirin bilsin degen Atambaevtyń qazirgi kezde bizdiń elge de, Elbasyǵa da kúıe jaǵyp otyrǵany qalaı?!
Qyrǵyz-qazaq dostyǵy týraly Qyrǵyzstanǵa kómek kerek kezde Atambaev jıi aıtatyn. Al qazir saılaý bastalar shaqtaǵy is-áreketi aspen atqandy taspen atqanmen birdeı. Belgili bir kompanıany emes, bútindeı memleketti basqaryp otyrǵan Atambaevtyń is-áreketi adamdyqqa jat dúnıe. Osyǵan deıin Qazaqstannyń Qyrǵyzstanǵa jasaǵan kómegi, jaqsylyǵy esh ketkeni me? Osyǵan deıin baýyrlas elmiz dep dastarhanymyzdan dám tatyp, asymyzǵa túkirgeni Atambaevtyń jigittigine de, el prezıdenti ekendigine de syn bolar...
Sholýshy: Ásel Bolatqyzy
