Saıasattanýshy Erlan Qarın Qyrǵyz Respýblıkasynyń prezıdenti Almazbek Atambaevtyń sózderine baılanysty óziniń pikirin feısbýktegi paraqshasy arqyly bildirdi,— dep habarlaıdy Qamshy.kz aqparat agenttigi.

«Qyrǵyz prezıdentiniń búgingi málimdemesi Qazaqstan jáne onyń basshylary atyna kúıe jaǵý áreketterin jalǵastyrdy. Ókinishke oraı, atqa kir keltirý áreketteri kúsheıip keledi. Sońǵy kúnderi aıtylǵan syndar uıymdastyrý sıpatyna ıe bolyp, oǵan zıaly qaýym ókilderi qosyldy», — dep jazady Erlan Qarın.

«Alaıda qazaqstandyq aqparat alańda mundaı arandatýshylyq nemese tapsyryspen jazylǵan aqparattarǵa jaýap bolǵan joq. Bul durys ta, óıtkeni qandaı da bir arandatýshylyqtarǵa barý jaqsylyqqa aparmasy anyq. Bizdiń elde memleketaralyq qarym-qatynas bir sáttik ǵana saıası mindetterden árqashan joǵary qoıylyp keledi»,— deıdi saıasattanýshy.

«Alaıda bolyp jatqan sońǵy jaǵdaılardy baıqaı otyryp, Qyrǵyzstan prezıdenti ákimshiligi qazaqstandyq faktordy saıası tehnologıalyq qural retinde paıdalanýdy, al  patrıottyq kóńil-kúıdi jasandy qozdyrý arqyly  bılikke úmitkerdiń aınalasyna elektorattardy jumyldyrý jáne shoǵyrlandyrýdy oılastyrǵanǵa uqsaıdy. Kópshilik jaǵdaıda memleketaralyq qarym-qatynastar saıası tehnologıanyń qurbanyna jıi ári jeńil aınalyp jatady», — dep jazady Qarın.

«Bir qýantarlyq jaıt, Qyrǵyz qoǵamynda «essizdikke» jol berý, joǵarydan berilgen tapsyrmany múltiksiz oryndaý faktorlary baıqalmaıdy. Eń bastysy qarapaıym halyq bul saılaý quıtyrqylary ekendigin jaqsy túsinedi. Sondyqtan da biz saılaý tezirek ótip, eki baýyrlas eldiń saıasaty tek naqty problemalar men kún tártibindegi ózekti máselelermen aınalyssa eken dep úmittenemiz», — dep qorytyndylady óz  sózin Erlan Qarın.