Qyrǵyz Respýblıkasynyń prezıdenti Almazbek Atambaevtyń sózderine baılanysty Muhtar Taıjan da óziniń pikirin feısbýktegi paraqshasy arqyly bildirdi, — dep habarlaıdy Qamshy.kz aqparat agenttigi.

«Atambaevtyń sózine óz basym renjimeımin. Shyndyqty betimizge basyp aıtty. Dos jylatyp aıtady, dushpan kúldirtip, jaǵympazdanyp aıtady», — dep jazǵan Muhtar Taıjan óziniń feısbýk paraqshasyna.

Sonymen birge ol qyrǵyz halqyn áli de baýyr sanaıtynyn aıtqan.

«Kim ne dese o desin, ásirese aljyǵan saıasatkerler... Al men úshin qyrǵyz xalqy baýyr xalyq. Iá, kórshilerdiń arasynda bári de bolady. Al biraq ta ózbek, qyrǵyz ulttarǵa Mustafa Shoqaı atamyzdyń kózqarasymen qaraýymyz jón. Sondyqtan kórshi, bir týǵan qyrǵyz, ózbek baýyrlarymyzben dostyǵymyz eshqashan óshpesin!», — dedi Muhtar Taıjan.