Eńbek jáne halyqty áleýmettik qorǵaý mınıstri Tamara Dúısenova Atambaevtyń Qazaqstandaǵy zeınetaqy jaıly aıtqan pikirine jaýap berdi, - dep habarlaıdy Qamshy.kz aqparat agenttigi Tengrinews.kz saıtyna silteme jasap.

Munyń aldynda Qyrǵyzstan prezıdenti eki eldegi zeınetaqy mólsherin salystyrǵan bolatyn. "Biz árdaıym qandaı da bir másele bolsa da bir-birimizge kómektesip kelgenbiz", - dedi mınıstr Tamara Dúısenova úkimet saǵatynyń úzilisinde. 

"Áleýmettik tólemder men onyń deńgeıin salystyrsaq, bul árbir eldiń jeke óz máselesi. Bizde az nemese kóp deý - meniń tarapymnan jáne ózge taraptan aıtý durys emes. Zeınetaqy mólsherin aıtsaq, bizde Qyrǵyzstan azamattarynyń alatyn zeınetaqysy qaraǵanda 2,6 ese kóp. 1 qańtardan taǵy da ósiretinimizdi bilesizder. 1 shildede bazalyq zeınetaqy qaıta qaraldy, osyny eskersek, kelesi jyly bul aıyrmashylyq 3,5 esege jetedi", - dedi Tamara Dúısenova.

Munyń aldynda QR SİM Qyrǵyzstan prezıdenti Almazbek Atambaevtyń aıtqan sózine baılanysty málimdeme jasaǵan edi.