Búgin Túrkıa prezıdenti Rejep Taıyp Erdoǵan resmı is-saparmen Ýkraınaǵa keledi, dep jazady Qamshy.kz aqparat agenttigi. Búgingi shara Ýkraına men Túrkıa arasyndaǵy strategıalyq keńestiń 6-shy kezdesýi ekenin aıta ketken jón.

Túrik basshysynyń resmı saıty alda bolatyn talqylaýda barlyq strategıalyq baǵyttar boıynsha yntymaqtastyqty nyǵaıtý máseleleri qaralatynyn aıtty. Sondaı-aq halyqaralyq álem máseleleri men aımaqtyq qaýipsizdik jaıy da qozǵalady. Túrik tarapy «Qyrym máselesiniń» de shet qalmaıtynyn eskerdi. Iaǵnı, Poroshenko men Erdoǵan qyrym tatarlary jaıyn da tereń talqylaıtyn bolady.

Resmı shara Máskeý ýaqytymen eseptegende saǵat 13-te Ýkraına prezıdenti ákimshiligi ǵımaratynda bastalady. Saǵat 15:00-de eki basshy ýkraınalyq jáne sheteldik BAQ ókilderimen kezdesedi.