Astanada Astana Media week jobasy aıasynda óńirlerdegi qazaq tildi BAQ ókilderine arnap semınar ótkizildi. Jýrnalıserdiń biliktiligin arttyrýǵa baǵyttalǵan jańa formattaǵy semınar «Qazmedıa ortalyǵynda» ótti. Aıta keteıik, atalǵan is-sharany Qazaqstan Respýblıkasy Aqparat jáne komýnıkasıalar mınıstrliginiń tapsyrysymen «El-shejire» qoǵamdyq qory uıymdastyrdy.

         Trenıńke «Qazaqstan» teleradıokorporasıasynyń fılıal jetekshileri, oblystyq, qalalyq jáne aýdandyq basylymdardyń redaktorlary men tilshileri, barlyǵy 160-dan astam adam qatysty.

         Semınar eki bloktan turdy. Túske deıin jańa medıadaǵy kontentti damytý, aqparattyń ras-ótirigin tekserý (faktchekıng) máseleleri talqylandy. Bul týraly trenıńke qatysýshylarǵa «Minber» jýrnalıserdi qorǵaý ortalyǵy janyndaǵy jańa medıany zertteý tobynyń jetekshisi Asqat Erkimbaı jáne «Ulan» gazetiniń redaktory, Factchect.kz qazaq bóliminiń redaktory, medıatrener Juldyz Ábdilda aıtyp berdi.

         Tústen keıin trenıńke qatysýshylardyń aldynda jýrnalıs, Bas redaktorlar klýbynyń vıse-prezıdenti Bıbigúl Jeksenbaı jáne jýrnalıs, bloger Órken Kenjebek dáris oqydy. Olardyń dárisi BAQ-tyń damý bolashaǵyna (konvergentti jýrnalısıkaǵa), kúrdeli aıtys-tartystardy BAQ-ta jarıalaý máselelerine arnaldy.

         Sonymen qatar trenıń barysynda kúndelikti ómirdegi ártúrli jaǵdaılardy jańa ádister arqyly modeldeý, saraptaý jáne taldaýdy úıretetin praktıkalyq sabaqtar ótkizildi.  

         Semınardyń arqasynda óńirlik BAQ ókilderi tek tyń bilim alyp qana qoımaı, ózara tájirıbe almasyp, basqa óńirlerden kelgen áriptesterimen iskerlik baılanys ornatty.