Tanymal akter Asqar Naımantaev ázil men shyndyq aralas óleń jazyp, feısbýk paraqshasyna jarıalady, — dep jazady Qamshy.kz aqparat agenttigi. Atalǵan óleńdi Asqar Naımantaev «Narynkol Patrol» dep ataǵan.
EKSPO minip keldim kóksholaqty,
Qarny toq, aryzy joq, shop-sholaqty.
Jarymaı tursaq taǵy isher asqa,
Bildirmeı attandyrdyq kóp qonaqty.
Qaıyrmasy:
Olaı júrshi, kóksholaq,
Bylaı júrshi kóksholaq.
Dókeılerdiń kóligin,
Janaı júrshi kóksholaq.
Jemsiz qalǵyr kóksholaq,
Kensiz qalǵyr, kóksholaq,
Kóńsiz qalǵyr, kóksholaq.
Mingenim astymdaǵy esek arba,
«Benzın», — dep jylamaıtyn kesek arba.
Eı, qyzdar, kedeısinbeı óleńińdi aıt,
Qalasań bola keter tósek arba.
Dańǵaza ne qaldy endi ótpeı júrgen,
«Ótkizsek», — dep kókeıden ketpeı júrgen.
Úndemes halqyń barda ótkize sal,
Qazaqqa ádet boldy jetpeı júrgen.
Men ózim Almatynyń kók esegi,
Basta mı, boıda erik joq esegi.
Mazaq bop qyrǵyzdardyń shybyshyna,
Ýáde men ótirikke toq esegi.
Óleń Asqar Naımantaevtyń feısbýk paraqshasynan alynǵan
