Qazaqstanda sońǵy kúnderi bolǵan qoǵamdyq máseleler jaıynda sheteldik BAQ ta ún qosty. Nazarbaevtyń Babanovpen kezdesýi, Qyrǵyzstan prezıdenti Almazbek Atambaevtyń Qazaqstan jaıly aıtqandary t.b. máseleler sheteldik agenttikterdiń ózindik pikir qalyptastyrýyna sebep boldy.
GEZITTER.ORG: «Babanov Nazarbaevqa ne úshin qajet boldy...» – Qyrkúıekte Qyrǵyzstan prezıdentine úmitker Ómirbek Babanov Qazaqstan prezıdenti Nursultan Nazarbaevpen kezdesti. Bul kezdesý qoǵamda qyzý talqyǵa tústi. Prezıdenttikke úmitker Sooronbaı Jeenbekovti qoldaıtynyn málimdegen Týrsýnbek Akýn Ortalyq saılaý komısıasyna baryp, saılaý aldy kórshiles memlekettiń basshysymen kezdesken Babanovty jazalaýdy talap etti. Qyrǵyzstan Syrtqy ister mınıstrligi Qazaqstanǵa narazylyq notasyn joldady. Qazaqstan tarapy óz reaksıasyn bildirdi.
IA-CENTR.RU: «Andreı Karpov. Astana men Bishkek arasyndaǵy aqparattyq soǵys jalǵasýdy. Almazbek Atambaev baǵany kóterdi» – Qyrǵyzstan prezıdenti Almazbek Atambaev 2017 jyldyń 10-11 qazanyndaǵy Sochı qalasyna resmı saparynan bas tartty. Atambaev memleket basshylary keńesiniń otyrysyna qatysady dep boljanǵan.
Mıhaıl Remızov: «Biz qazaq tiliniń latyn álipbıine aýysý prosesine jaıbaraqat qaraı alamyz»
KNEWS.KG: «Atambaevtyń Qazaqstan jaıly aıtqany» – Qyrǵyzstan prezıdenti Almazbek Atambaevtyń Qazaqstannyń áleýmettik-ekonomkıalyq jaǵdaıy týrasyndaǵy málimdemesi kórshiles memlekettiń sheneýnikterine memlekettiń hal-ahýaly jaıynda aqparat berýine májbúr etti. Bul týraly saıasattanýshy Igor Shestakov málimdedi.
TAZABEK.KG: «Bishkektiń negizgi ınvestorlary – Japonıa, Qytaı, Sıngapýr, Nıderland, Túrkıa jáne Qazaqstan – statısıka» - Bul týraly 10 qazanda Bishkekte ótken pres-konferensıada Ulttyq statısıka komıtetiniń ınvestısıalar statısıkasy bóliminiń bastyǵy Vıktorıa Bırúkova málimdedi.
EURASIA.EXPERT: «Belarýs jáne Qazaqstan sheteldik ınvestısıa ımporty boıynsha Reseıdi qýyp jetti» – TMD aıasynda ózara ınvestısıalardyń ósýi Reseı ekonomıkasyn qalpyna keltirýmen baılanysty boldy. TMD elderiniń tikeleı sheteldik ınvestısıalary 8%-ǵa ósti.
INOSMI.RU: «Ońtústik Koreıa Ortalyq Azıaǵa ekonomkıalyq soqqy jasamaq» – Ońtústik Koreıa Ortalyq Azıa elderimen tereń saýda baılanysyn ornatatyn arnaıy agenttik qurdy. Bul bastama Ońtústik Koreıanyń aımaqtardaǵy ekonomıkalyq rólin keńeıtýge múmkindik bermek.
EADAILY.COM: «Astana men Bishkek arasyndaǵy qaqtyǵys jıilep keledi: Saıqymazaqqa aınalmańdar» – Qazaqstan premer-mınıstri Baqytjan Saǵyntaev Qyrǵyzstan prezıdenti Almazbek Atambaevtyń aıtaqnadaryna baılanysty pikir bildirdi.
Sholýshy: Gúlim JAQAN
