AQSH Prezıdenti Donald Tramp respýblıkalyq senator Bob Korkerdiń aq úıdiń saıası áreketteri úshinshi dúnıejúzilik soǵysqa alyp kelýi múmkin degen málimdemesine jaýap berdi,-dep habarlaıdy Qamshy.kz aqparat agenttigi.

Amerıkalyq kóshbasshy: «Biz qazir durys joldamyz, senińizder»,- dedi. Onyń aıtýynsha aq úıdi 25 jyl boıy bılegen ózge prezıdentter «durys jolda bolmaǵan, olar álem buryn sońdy kórmegen úlken qasiret jolyna baǵyttaǵan».

Esterińizge sala keteıik, budan buryn senat komıtetiniń syrtqy ister jónindegi basshysy Bob Korker: «Donald Tramptyń prezıdent laýazymyndaǵy áreketteri onyń burynǵy júrgizgen «Kandıdat» atty realıtı-shoýyn eske túsiredi. Onyń mundaı minez-qulqy AQSH-ty úshinshi dúnıejúzilik soǵysqa sebepker etedi» degen.

Tramptyń «Tvıtterde asqan belsendilik kórsetýi de qanshama ret dıplomatıalyq qıyndyqtar týǵyzǵan» dedi Korker. Biraq naqty mysaldar keltirgen joq.