Almaty oblysynyń polıseıleri úıinen qashqan eki jasóspirimdi taýyp alyp, ata-analaryna qaıtardy, dep Qamshy.kz aqparat agenttigi sputniknews.kz saıtyna silteme jasap habarlaıdy.
Jasóspirimder jaǵdaıy tómen otbasynda tárbıelenip otyr. Buǵan deıinde úıden qashý áreketteri jasalǵan.
Kámeletke tolmaǵan jetkinshekter Eńbekshi qazaq aýdany, Shelek aýylynda turady. Qyrkúıek aıynyń sońynda 16 jasar jasóspirim bala joǵalyp ketse, 17 jasar boıjetken qyzǵa qazan aıynyń basynan beri izdeý salyndy.00
"Eki jasóspirimniń áleýmettik jaǵdaıy tómen otbasynda turatyny jáne olar buǵan deıin de birneshe ret úılerinen qashyp ketip júrgenderi anyqtaldy. Eńbekshi qazaq AİİD polısıa qyzmetkerleri joǵalǵan kámeletke tolmaǵan jasóspirimderdi Almaty qalasynan tapty. Olar kóshede júrgen. Bozbala avtovokzal mańynan, al boıjetken qyz bazardan tabyldy", — dep málemdedi baspasóz qyzmeti.
Polıseıler jasóspirimder men olardyń ata-analarymen profılaktıkalyq sharada áńgime ótkizdi. Eki jasóspirimniń otbasy da ıývenaldy polısıa tarapynan baqylaýǵa alyndy.
