Qyrǵyzstannyń Qazaqstan tarapynan gýmanıtarlyq kómek alý qajettiliginiń ózektiligi joıyldy. Bul týraly respýblıkanyń TJM baspasóz qyzmetiniń ókilderi taratqan málimdemede aıtylady dep habarlaıdy Qamshy.kz aqparat agenttigi Tengrinews.kz-ke silteme jasap.
Vedomstvo ókilderiniń málimetinshe, qyrǵyz tarapynyń shuǵyl úndeýi bıylǵy mamyr aıynda Osh oblysyndaǵy kóshkinge, qar kóshkinine jáne zilzalaǵa baılanysty bolǵan. "Alaıda Qyrǵyz Respýblıkasynyń úkimeti sheteldik seriktesterdiń qoldaýymen eldiń ońtústigindegi tabıǵı apattyń saldaryn jedel joıdy. Osyǵan baılanysty Qazaqstan Úkimetine osy sheshimi úshin alǵys bildire otyryp, Qyrǵyz Respýblıkasynyń Tótenshe jaǵdaılar mınıstrligi qazirgi ýaqytta Qazaqstan Respýblıkasynyń gýmanıtarlyq kómeginiń qajettilik ózektiligi joıylǵanyn habarlaıdy", - delingen habarlamada.
Eske salaıyq, Qyrǵyz Respýblıkasyndaǵy tabıǵı-klımattyq jaǵdaılarǵa baılanysty Qazaqstan Úkimeti kórshi memleketke gýmantarlyq kómek kórsetý týraly sheshim shyǵarǵan edi.
