Qazaqstan prezıdenti Nursultan Nazarbaev tarıhı otanyna oralam degen degen adamdardy qoldaýǵa shaqyrdy, dep Qamshy.kz aqparat agenttigi Azattyqqa siltep jazady.
Prezıdent Nazarbaev bul týraly jergilikti BAQ-qa jyldy qortyndylap bergen suhbatynda aıtqan.
- Qazaqstandyq semálarǵa, qaltaly azamattarǵa aıtatynym - qandastarymyzdy qabyldaýǵa jaqyn bolýymyz kerek, - degen Nazarbaev osy suhbatynda.
Onyń aıtýynsha, taıaýda qandastar máselesin retteý úshin arnaıy qor qurylǵan. Nazarbaev sol qorǵa qol ushyn berýge jáne syrttan kelgen adamdar qıynshylyqqa kezikse, oǵan kómektetsip otyrýǵa shaqyrǵan.
- Kelem degenderge esik ashyq. Basynda qandastar turatyn elderge baryp, jaǵdaılaryn bilip, quryltaı shaqyryp, kóshti basyn bastadyq. Sodan beri bir mıllıon qandasymyz elge keldi, - deıdi Qazaqstan prezıdenti.
Onyń aıtýynsha, qazir de áýelgi kezdegideı qarqyndy bolmasa da jyl saıynǵy kósh toqtaǵan joq.
- Kóshti toqtatpaımyz. Kelem degenderge esik ashyq. Jastary oqýǵa kelip qalyp jatyr. Artynan úlkenderi kelip jatyr. Ony qarap otyrmyz, sonyń bárin qýanyshpen qabyldaımyz. Áli de tórt mıllıonnan asa qandasymyz bar. Olarǵa kelseń de kel, kelmeseń de kel dep aıta almaımyz. Keıbireýleriniń jaǵdaı onda jaqsy bolsa, qıynshylyq kórmese tura bersin, - degen prezıdent Nazarbaev jergilikti birneshe BAQ-qa bergen suhbatynda.
Astanadan bıyl Dúnıejúzi qazaqtaryniń besinshi quryltaıy uıymdastyrylyp, Dúnıejúzi qazaqtary qaýymdastyǵy tóraǵasynyń birinshi orynbasarlyǵy Talǵat Mamashevten Zaýytbek Turysbekovke ótken. Sol jıynda sóılegen sózinde Qazaqstan prezıdenti "Otandastar" qory qurylatynyn jáne sheteldegi qazaq balalarynyń Qazaqstanda bilim alýyna bólinetin grant eki esege ósetindigin aıtqan. Quryltaıda Germanıadan kelgen delegat Ómirhan Altyn Qytaı qazaqtaryna qatysty qysymnyń kúsheıip bara jatqanyn eske salǵan bolatyn.
Qazaqstan prezıdenti Nursultan Nazarbaev 22 jeltoqsan kúni Astanada eldegi birqatar buqaralyq aqparat quraldary ókilderimen kezdesip, jyl qorytyndysy boıynsha jýrnalıser suraqtaryna jaýap bergen. Nazarbaevtyń BAQ ókilderine suhbaty jeltoqsannyń 25-i kúni respýblıkalyq telearnalardan kórsetiledi dep habarlandy. Alaıda suhbat kórstetilgenge deıin onyń úzindileri resmı arnalardan berilip jatyr.
