Eki eldiń kóshbasshysy keńeıtilgen quramda kelissózder ótkizip, ekijaqty ózara is-qımyldyń jáne EAEO aıasyndaǵy yntymaqtastyqtyń ózekti máselelerin talqylaıdy, dep Qamshy.kz aqparat agenttigi QazAqparatqa siltep jazady. 

Sapar aıasynda Jeenbekov Elbasy Nursultan Nazarbaevpen shaǵyn quramda kezdesý ótkizedi dep josparlanǵan.

Buǵan deıin Qyrǵyzstan Prezıdentiniń baspasóz qyzmeti eki eldiń kóshbasshylary keńeıtilgen quramda da kelissózder ótkizip, onda ekijaqty ózara is-qımyldyń jáne EAEO aıasyndaǵy yntymaqtastyqtyń ózekti máselelerin talqylaıtyndyǵyn habarlaǵan bolatyn.

Sapar qorytyndysynda birqatar qujatqa qol qoıylyp, memleket basshylary birlesken málimdeme qabyldaıdy dep kútilýde.

Qyrǵyzstan Prezıdenti resmı sapary aıasynda Qazaqstannyń Premer-Mınıstri Baqytjan Saǵyntaevpen de kezdesýi josparlanǵan.