Astana qalasy men elimizdiń tórt oblysynda aýa raıynyń nasharlaýyna baılanysty joldar jabyldy, dep habarlaıdy Qamshy.kz aqparat agenttigi "Qazaqavtojol" RMK baspasóz qyzmetine silteme jasap.

Astanada 11 qańtar saǵat 01:00-den bastap jel kúsheıip, burqasyn bolyp, joldyń nashar kórinýine baılanysty avtokóliktiń barlyq túri úshin barlyq jol jabyldy.  

Aqmola oblysynda 10 qańtar saǵat 21:30-dan bastap Ekaterınbýrg — Almaty — 1275-1353 km (Astanadan Qaraǵandy oblysynyń shekarasyna deıin), Ekaterınbýrg — Almaty — 915-1247 km (Jaqsydan Astanaǵa deıin), Astana — Qorǵaljyn — 19-180 km, Astana — Ereımentaý — Shiderti — 16-205 km, Qostanaı — Áýlıekól — Surǵan — 232-260 km, Jaqsy — Esil — Buzylyq — 26-82 km, Astana — Qabanbaı batyr —oblys shekarasy — 16-51 km, Astana — Petropavl — 18-293 km (Astanadan Kókshetaýǵa deıin) respýblıkalyq mańyzy bar avtojoldarda avtokóliktiń barlyq túri úshin joldar jabyldy. 

Qaraǵandy oblysynda 10 qańtar saǵat 22:00-den bastap Almaty — Ekaterınbýrg — 1051-1142 km (Temirtaýdan Aqmola oblysynyń shekarasyna deıin), Qyzylorda — Pavlodar — 433-749 km (Jezqazǵannan Atasý eldi mekenine deıin) respýblıkalyq mańyzy bar avtojoldarda avtokóliktiń barlyq túri úshin qozǵalys toqtatyldy.  

Qyzylorda oblysynda 10 qańtar saǵat 23:00-den bastap Samara — Shymkent — 1474-1240 km (Áıteke bı eldi mekeninen Aqtóbe oblysynyń shekarasyna deıin), 1630-1720 km (Qorqyt memorıalynan Buqarbaı batyr aýlyna deıin) respýblıkalyq mańyzy bar avtojoldarda avtokóliktiń barlyq túri úshin joldar jabyldy. 

Pavlodar oblysynda 11 qańtar saǵat 00:43-ten bastap Astana — Shiderti — 205-259 kılometrler (Shiderti aýlynan Aqmola oblysyna deıin) avtojolynda avtokóliktiń barlyq túri úshin qozǵalys toqtatyldy.