Qazaqstan elektrondy úkimetiniń saıtynda 2025 jylǵa deıin qazaq tilin latyn álipbıine kezeń-kezeńimen kóshirý boıynsha is-sharalar josparynyń jobasy jarıalandy dep habarlaıdy Qamshy.kz aqparat agenttigi sputniknews.kz saıtyna silteme jasap.

Qujatqa sáıkes, latyn qarpine kóshý úsh kezeń boıynsha ótedi:

• birinshi — 2018-2020 jyldar; 

• ekinshi — 2021-2023 jyldar; 

• úshinshi — 2024-2025 jyldar.

Áleýmettik jelilerde blogerlerdi tartý jolymen túsindirý jumystaryn júrgizýge 462 mıllıon 600 myń teńge jumsaý josparlanǵan. Oǵan Qazaqstan Respýblıkasy mádenıet jáne sport mınıstrligi jaýapty bolady. 

Qazaq tilin latyn álipbıine kóshirý boıynsha túsindirý jumystaryn júrgizý úshin vıdeobloktar ázirleýge 168 mıllıon teńge bólinbek. Sondaı-aq osy taqyrypta materıaldar jarıalaýǵa mamandanǵan jýrnalıser pýly jasaqtalady dep josparlanǵan, alaıda oǵan qarjy qarastyrylmaǵan.

Bólingen qarjy 2018-2025 jyldary ıgeriledi dep josparlanyp otyr.

Jospardy ashyq talqylaý osy jyldyń 30 qańtaryna deıin sozylady.