Ońtústik Qazaqstan oblysynda ótken jyly 80 myńǵa jýyq bala dúnıege kelgen. Sondaı-aq 20 myńnan asa otbasy shańyraq kótergen dep jazady Qamshy.kz aqparat agenttigi QazAqparatqa silteme jasaı otyryp. Bul týraly búgin oblystyq óńirlik komýnıkasıalar qyzmetinde ótken brıfıńte Ádilet departamenti basshysynyń orynbasary Meıirjan Isabekov málim etti.

Meıirjan Isabekovtyń sózinshe, oblys kóleminde 604 zańdy tulǵa jáne 141 fılıal men ókildik tirkelgen. Kórsetilgen qyzmet túrlerinen búdjetke 19 mln teńgeden astam memlekettik alymdar tústi.

«Ońtústik Qazaqstan oblysynda jeke jáne zańdy tulǵalardan jyljymaıtyn múlikke quqyqtardy memlekettik tirkeýge jalpy 150 myńnan astam ótinish qabyldandy. Jyljymaıtyn múlikke elektrondy túrde tirkeý sany 49 myńnan asqan. Byltyrǵy jyldyń qorytyndysy negizinde memlekettik tirkeýden 218 mln teńge alym somasy óndirildi», - dedi Meıirjan Nurjanuly.