Qazaqstan Prezıdenti Nursultan Nazarbaevtyń AQSH-qa resmı sapary aıasynda AQSH-tyń isker toptary ókilderimen dóńgelek ústel ótkizildi. Onda jalpy somasy 7 mıllıard dollardan artyq somaǵa ınvestısıalyq jáne saýda-ekonomıkalyq yntymaqtastyq týraly 20-dan astam ekijaqty ekonomıkalyq qujatqa qol qoıyldy, - dep habarlaıdy Qamshy.kz aqparat agenttigi QR premer-mınıstrdiń saıtyna silteme jasap. 

Dóńgelek ústeldi Qazaqstan Respýblıkasynyń AQSH-taǵy elshiliginiń jáne "Kazakh Invest" ulttyq kompanıasynyń qoldaýymen AQSH-tyń Saýda palatasy uıymdastyrdy. AQSH-tyń iri bıznes-kompanıalarynyń 50-den artyq ókilderi kezdesýge qatysty.

"Qazaqstan amerıkalyq bıznes úshin úlken áleýetke ıe, álemniń tótenshe mańyzdy aımaǵynda ornalasqan", - dep atap ótti AQSH-tyń Saýda palatasynyń tóraǵasy Tomas Donohú.

Amerıkalyq kapıtaldyń qatysýymen júzege asyrylatyn birlesken jobalar Qazaqstan ekonomıkasynyń ártúrli salalaryn qamtıtyn bolady. Mysaly, is-sharalar barysynda ınvestısıalyq jáne saýda-ekonomıkalyq yntamaqtastyq týraly, avıasıalyq jáne ǵaryshtyq ónerkásip salasynda, aýylsharýashylyǵy, kólik jáne t.b. salasynda jetekshi amerıkalyq kompanıalarmen - Chevron Overseas, W. R. Grace&Co, GE Transportation Parts, Pfizer, John Deere, Amity Technology, Global Beef Investments jáne basqalarymen komersıalyq qujattarǵa qol qoıyldy.

Sondaı-aq Memleket basshysynyń "Tórtinshi ónerkásiptik revolúsıa jaǵdaıyndaǵy damýdyń jańa múmkindikteri" Joldaýynda kórsetilgen tapsyrmalarǵa sáıkes, respýblıkanyń ekonomıkasyn sandyq baǵytqa kóshirýge baǵyttalǵan qujattarǵa qol qoıyldy.

Olardyń ishinde AHQO, "ITP" DKQ jáne "IBM" arasyndaǵy Astana Startup HUB IT-tehnoparkiniń bazasynda qarjylyq tehnologıalar boıynsha ınkýbatordy qurý týraly kelisim, "ITP" DKQ jáne "Global Venture Alliance" arasyndaǵy ónerkásipti sandandyrý qoryn qurý týraly kelisim,  sondaı-aq "GE Digital" jáne AO "FNB "Samruq-Qazyna" UÁAQ" AQ arasyndaǵy temijol kóligin, energetıkany, munaı óńdeýdi jáne ekonomıkanyń basqa da sektorlaryn sandandyrý jónindegi jobalardy júzege asyrý boıynsha strategıalyq áriptestik týraly kelisim.

Qazaqstan-Amerıka saýda-ekonomıkalyq jáne ınvestısıalyq qarym-qatynastardy odan ári damytý, sondaı-aq eki eldiń iskerlik toptaryn jaqyndastyrýǵa arnalǵan mańyzdy máselelerdiń biri AQSH-tyń iri qarjylyq ınstıtýttarymen jalpy somasy 3 mıllıard dollar birlesken ınvestısıalyq jobalardy jáne saýda operasıalaryn qarjylandyrý týraly qujattarǵa qol qoıýy boldy.

Iaǵnı, "Kazakh Invest" S.Tuıaqbaev jáne "Jeke menshik sheteldik ınvestısıalar korporasıasy" qarjylyq- kredıttik agenttiktiń Prezıdenti R. Ýoshbormen OPIC tarapynan amerıkalyq kompanıalardyń qatysýymen jobalardy qarjylandyrýdaǵy yntymaqtastyq týraly Memorandýmǵa qol qoıyldy, sondaı-aq Oppenheimer amerıkalyq qorynyń basqarýshy dırektory Pıter Albanomen birge, Qazaqstandaǵy jobalardy qarjylandyrý nemese ınvestısıa quıý úshin amerıkalyq qarjylyq ınstıtýttardy tartý týraly ózara túsinistik týraly memorandýmǵa qol qoıyldy.

"Qazaqstan naryǵy amerıkalyq ınvestorlar úshin IT jáne ınjınırıń, kólik jáne logıstıka, aýylsharýashylyǵy, ınfraqurylymdy damytý salasyndaǵy yntymaqtastyqqa múddeliliginiń tartymdylyǵyn bildiretin bolyp sanalady. Óz kezeginde, "Kazakh Invest" QR Úkimetiniń atynan búkil ınvestısıalyq sıkl boıynda - ıdeıadan ony tolyqtaı júzege asyrylǵanǵa deıin qoldaıtyn, sondaı-aq post-ınvestısıalyq qoldaýdy qamtamasyz etetin sheteldik ınvestorlarmen birden-bir kelissózder júrgizýshi retinde", - dep atap ótti, is-sharalar qorytyndylary boıynsha Saparbek Tuıaqbaev.  

Astanadaǵylar osy sapar eki el arasyndaǵy yntymaqtastyqty nyǵaıtady dep senedi. "Sapardyń basty maqsaty joǵary deńgeıdegi senimdilik qarym-qatynasymyzdy nyǵaıtyp, Astana men Vashıngton arasynda ózara árekettestikti barlyq spektr boıynsha keńeıtip, eki jaqty qarym-qatynasty jańa deńgeıge shyǵarý", - dedi QR SİM Halyqaralyq aqparat komıtetiniń basshysy Talǵat Jumaǵulov.

Sondaı-aq, Komıtet basshysy eki el arasyndaǵy qazirgi yntymaqtastyqtyń terorızmmen kúresý, ıadrolyq rejımdi alyp tastaýǵa jáne saýda-ekonomıkalyq qarym-qatynasty keńeıtýge baǵyttalǵanyn aıtyp ótti. Qazaqstan Prezıdenti AQSH-tyń resmı ókilderimen kezdesý ótkizedi dep josparlanǵan.

Sondaı-aq, Nazarbaevtyń 18 qańtarǵa belgilengen BUU Qaýipsizdik keńesiniń qarý qoldanýdy jappaı joıýǵa arnalǵan brıfıńke qatysatyny aıtylady.