Qaraǵandyda er adam qyzyna úılenýge usynys jasap kelgen jigitti óltirip tastaǵan, - dep habarlaıdy Qamshy.kz aqparat agenttigi Tengrinews.kz saıtyna silteme jasaı otyryp.  İs qylmystyq ister jónindegi aýdanaralyq mamandandyrylǵan sotta qaraldy.

"Aıypker Taıkenovtiń QR QK-niń 99-baby "Adam óltirý" boıynsha kinási tolyq dáleldendi. Sot úkimimen ol 12 jylǵa bas bostandyǵynan aıyryldy. Sotalýshy jazasyn qaýipsizdigi eń joǵary qylmystyq-atqarý mekemesinde óteıdi", - deıdi sot ókilderi.  Sottalýshynyń ótelmegen qylmystyq jaýapkershiligi baryn da esepke aldy.

Sonymen qatar, Takenovtiń qylmysyn jasyrýǵa qatysty bolǵan Chýbaev ta eki jylǵa bas bostandyǵynan aıyryldy. Ol jazasyn qaýipsizdigi orta deńgeıdegi sot-atqarý mekemesinde óteıdi.  İs materıaldary boıynsha, Chýbaev oqıǵa ornyna Taıkenovtyń shaqyrtýymen kelgen. Óz ómiri úshin qoryqqan ol múrdeni "Qaıyń toǵaıyna" aparyp tastaǵan.

Eske salaıyq, oqıǵa Qaraǵandynyń Prıshahtınsk aýdanynda bolǵan. Qaıtys bolǵan jigit qyzdyń ákesimen ishimdik iship otyryp, odan qyzyn turmysqa berýin suraǵan. Qyzdyń ákesi usynysqa kelispegen soń jigit ony balaǵattap, arty janjalǵa ulasqan. Janjal kezinde er adam jigitke kóptegen pyshaq jaraqatyn salady. Jigit oqıǵa ornynda kóz jumady. Osydan keıin sottalýshy qylmysyn jasyrý úshin ulynyń dosyna qońyraý shalyp, múrdeni "Qaıyń toǵaıǵa" aparyp tastaýdy buıyrady.