AQSH prezıdenti Donald Tramp sársenbide Reseıdi Soltústik Koreıaǵa kómektesip júr dep aıyptady. Onyń aıtýynsha, Reseı Soltústik Koreıanyń kómegimen halyqaralyq sanksıalardy buzbaqshy.

«Reseı AQSH pen KHDR-dyń qarym-qatynasynyń ońalýyna múlde kómektespeıdi»,- dedi Tramp.

Qytaı men Reseı byltyr BUU QK-iniń KHDR-ǵa qarsy sońǵy sanksıalaryna baılanysty kelisimge kelgen.  Bul sanksıalar aıasynda Soltústik Koreıaǵa otyn jetkizýge qatań shekteý qoıylǵan. Jeltoqsanda eýropalyq elderdiń keıbiri Reseıdiń sanksıalardy aınalyp ótip, Phenánǵa keminde úsh márte otyn jetkizgen. Al Máskeý muny jasyryn ustady.

AQSH prezıdenti suhbattary barysynda Soltústik Koreıany basty halyqaralyq másele dep ataǵan. Sondaı-aq KHDR basshysy Kım Chen Ynmen kelissózder jasaýdyń paıdasy tıetinine de kúmánmen qarady.

«Men onymen kelissóz jasaımyn, alaıda budan bir nátıje shyǵady dep oılamaımyn», - dedi Tramp. Soltústik Koreıa tarapynan aıtylǵan qoqan-loqy men til tıgizýshilik áreketterine qaramastan Tramp kelissózderge kelisken. Phenánmen aradaǵy túsinispeýshilikterdi «beıbit jolmen» sheshýden úmitti, alaıda «nátıjesi teris bolýy múmkin» degen kúmánin de jasyrmady.

Sondaı-aq Donald Tramp Qytaıdyń Soltústik Koreıaǵa munaı men kómirdi shekteý týraly kúsh-jigerin joǵary baǵalady.