Para alyp sottalǵan Erlan Bilál teatrdyń akterler quramynda jumysyn jalǵastyratyn bolady, dep habarlaıdy Qamshy.kz aqparat agenttigi. Bul týraly Muhtar Áýezov atyndaǵy Qazaq memlekettik akademıalyq drama teatrynyń jańa basshysy Asqat Maemırov málimdedi.

«Erlan osy teatrdaǵy negizgi repertýarlardy basty keıipkerlerdi somdaıdy. Ol Muhtar Áýezovtyń «Abaı jolyndaǵy» Abaı, ony Erlannan basqa eshkim oınaı almaıdy. Ol Dýlat Isabekovtyń «Jaý júregindegi» Balýan Sholaq, Israıl Saparbaevtyń «Syǵan serenadasyndaǵy» Shámshi beınesi, Ákim Tarazıdyń «Aqyn perishte mahabbattaǵy» Muqaǵalı beınesi. Erlannyń birinshi Alla Taǵala bergen talanty, artısızm, kásibı sheberligi, naǵyz ónerdegi tulǵa. Sondyqtan tulǵa teatrdan bólinip eshqaıda ketpeıdi», - dedi  Muhtar Áýezov atyndaǵy Qazaq memlekettik akademıalyq drama teatrynyń dırektory.

Aıta keteıik, teatrdyń burynǵy dırektory Erlan Bilál 2018 jyldyń 5 qańtarynda 1,5 mln teńge kóleminde para alyp jatqan jerinen ustalǵan.

Bir aıdan soń akterdiń isine qatysty sot úkimi shyqty. Oǵan para kóleminen 35 ese joǵary kólemde aıyppul saldy. Endi Erlan Bilál 52,2 mln teńgeni memleketke bir aıdyń ishinde tóleýi tıis.