Qoǵamdyq kólikte jalǵan OŃAI! baqylaýshylary kóbeıip ketýine baılanysty qoǵamdyq kólik qyzmetin qoldanatyn almatylyqtarǵa baqylaý prosedýrasy týraly aqparat jarıalandy, dep habarlaıdy Qamshy.kz aqparat agenttigi. 

Jolaýshylar tarapynan jalǵan baqylaýshylardyń «tekserýinen» keıin karta teńgeriminen qarajattyń qabyldanǵany týraly shaǵymdar jıilep ketken.

Almaty qalasy Kólik holdıńiniń (AKH) baqylaýshy-revızıalyq qyzmetiniń qyzmetkerleri jol aqysynyń tólemin tekserý úshin qoldanyp júrgen termınaldarda tólemdi qabyldaý fýnksıasy joq ekenin habarlaıdy. Baqylaýshyda jol aqysynyń tólemi esebinen qaıtalap qarajatty sheship alýǵa tehnıkalyq túrde esh múmkindigi joq.    

«Jolaýshylar baqylaýshylardyń jol aqysynyń tólemin tekserý úshin kartany jolaýshylardan surap, olardy mobıldi termınal arqyly ótikizgennen keıin kartadan qaıtalap qarajatty sheship alatyny týraly OŃAI! ákimshiligine jıi shaǵym túsiredi. Mundaı jaǵdaıda jolaýshy AKH-ne ótinish jazsa qaıtalanyp alynǵan somma kartanyń teńgerimine qaıtarylady. Mundaı jaǵdaı qaıtalanbaý úshin, kartany qoǵamdyq kólik kondýktorlaryna bermeýge keńes beremiz. Sebebi olar AKH-niń de, tasymaldaýshy-kompanıanyń da resmı qyzmetkerleri emes. Kartany tek qyzmettik forma kıgen, beıdji jáne jeke kýálik pen baqylaýshynyń ókilettiligi bar resmı jumys isteıtin baqylaýshylarǵa tekserý úshin berý qajet. Eger Siz marshrýtty jalǵan baqylaýshyny baıqaǵan bolsańyz tez arada OŃAI! baılanys ortalyǵyna habar berýińizdi suraımyz», - deıdi Almaty kólik holdıńiniń dırektory Sadır Hamraev.