Seısenbi, 22 mamyrda Facebook basshysy Mark Sýkerberg Brússelde Eýroparlament depýtattarymen kezdesip, sóz sóıledi.

Azattyq bergen málimetke súıensek, kezdesý barysynda Cambridge Analytica fırmasy arqyly qoldanýshylardyń jeke derekteriniń jarıalanyp ketý máselesi sóz bolǵan.

Sýkerberg depýtattardyń Facebook-tyń áleýmettik jeli naryǵyndaǵy monopolıasy jaıly suraqtaryna jaýap berdi.

Sonymen qatar, málimetter bazasynyń buzylǵanyna jáne saıası kampanıa kezinde áleýmettik jeliniń «jalǵan habar» taratyp, jekkórýshilikti týdyrýda paıdalanylǵanyna Sýkerberg kináli ekenin moıyndady. AQSH-ta júrgizilip jatqan tergeý málimetinshe, Facebook AQSH-taǵy prezıdent saılaýy qarsańynda saılaý kampanıasyna kıligý úshin reseılik "ınternet-trollderdi" paıdalanǵan.