Álemge áıgili izdeý kompanıasynyń biri – Google. Bul kompanıanyń ónimin álem halqynyń basym bóligi tutynady. Alphabet holdıńiniń quramyna kiretin kompanıanyń negizgi qarajat kózi – jarnama.
Google kompanıasy Larrı Peıdj ben Sergeı Brınniń eńbegi nátıjesinde dúnıege keldi. Google kompanıa retinde alǵash ret 1996 jyldyń 4-qańtarynda tirkeldi.
Sonymen ataqty Google kompanıasy týraly qyzyqty 10 derekti nazarlaryńyzǵa usynamyz.
1. Kompanıaǵa jańadan jumysqa qabyldanǵandar alǵashqy jumys jumasynda bastaryna kúni boıy aınalmaly tetigi bar bas kıim júýge mindetti. Bul – kompanıanyń alǵashqy ereksheligi.
2. Google-diń basty beti óte qarapaıym deńgeıde jasalǵan. Sebebi, alǵashqy qurastyrýshylar HTML tilin bilmegen. Sondyqtan, ataqty kompanıanyń basty beti áli kúnge qarapaıymdylyq deńgeıinen ajyramaı keledi.
3. Kompanıanyń aýlasynda ósimdikterdiń, jasyl jelekterdiń túr-túri ósedi. Sondyqtan, Google qozylar asyraýdy jón kórgen. Shamamen 200-den astam qozy apta boıy aýlany qalypqa keltirip turady. Olar motorly shópshapqysh sekildi; eshqandaı ún shyǵarmaıdy jáne aýany, aýlany lastamaıdy.
4. Korporasıa mysyqtarǵa qaraǵanda, ıtti, kúshikti qatty jaqsy kóredi. Eń qyzyqtysy – olardyń jarǵysynda ózderin «ıt kompanıasy» dep ataǵan joldar kezdesedi.
5. Eger kompanıa qyzmetkeri dúnıeden ótse, onda onyń jaqyndary sońǵy on jyldaǵy jalaqysynyń jartysyn alady. Bul qyzmetkerge degen qurmetti kórsetedi.
6. Google komapnıasynyń kampýsynda Reks atty tıronnozavr turady. Tıronnozavr qańqasy qyzmetkerlerge ýaqytty, qyzmettiń mańyzdylyǵyn eskertip turady.
7. 1997 jyly Yahoo kompagnıasynda Google kompanıasyn nebári 17 mıllıon dollarǵa satyp alatyn múmkindik bolǵan. Biraq bul satylym oryn almady. Qazirgi kúni Google kompanıasynyń naryqtaǵy baǵasy 200 mıllıard dollardy quraıdy.
8. Google kompanıasynda jeke saıttarynyń jatplanetalyqtardyń tiline laıyqtalǵan nusqasy bar.
9. 2013 jyldyń 19-tamyzynda kompanıa óz jumysyn 5 mınýtqa toqtatý arqyly álemdegi jalpy veb-jumystardyń 40 paıyzyn isten shyǵarǵan.
10. Google kompanıasynyń týǵan kúnin eshkim bilmeıdi. Tek basshylar men qyzmetkerler ony 27-qyrkúıekte toılaýdy uıǵarǵan.
