Qazaqstanda sońǵy jyldary marketıń pen jarnamany sıfrlandyrý boıynsha jańa trend qalyptasyp keledi. Bul ózgeristerdiń júzege asýyna Ońtústik Koreıadan kelgen tehnologıalyq kompanıalar kóp úles qosyp otyr dep habarlaıdy Qamshy.kz aqparat agenttigi.
Cheil Kazakhstan almatylyq agenttiginiń jańa prezıdenti, Seýlden kelgen Kım Ý Bın: "Kópshilikke jarnamalar unamaıdy, biraq bul paradıgma jýyrda ózgermek, sebebi sizder odan lázzat alatyn bolasyzdar", - dedi.
2016 jyly Cheil Kazakhstan Epica, White Square, KMFR, Ideıa, Red Jolbors jáne t.b. halyqaralyq kreatıvti baıqaýarda eń úzdik marapattardy alyp, AdAsia nusqasy boıynsha Ortalyq Azıada úzdik kreatıvti agenttik ataǵyn jeńip alǵan bolatyn. Baılanys boıynsha sarapshylar sol kezde Qazaqstan búkilálemdik jarnama álemine tanyldy dep aıryqsha atap otyr.
Ońtústikkoreıalyq ekspattyń myqty tusy - sandyq tehnologıalar. Olardy, máselen, Over The Horizon syndy iri, atyshýly jobalarda tıimdi paıdalanǵan bolatyn. Over The Horizon – óz smartfonyna teńdesiz, ǵajaıyp sýretter túsirgen, kózi kórmeıtin saıahatshy Aleksandr Jýravlev týraly fılm. Kampanıa aýqymy ǵalamtor paıdalanýshylardyń 50 mıllıonnan astamyn qamtyǵan bolatyn. Over The Horizon fılmi TMD-daǵy festıváldarda 17 marapatqa ıe bolǵan.
Kım Ý Bın Almaty týraly alǵashqy áseri kópshilik brendterdiń baǵdaryndaǵy jastar roliniń kúsheıýinde ekendigin erekshe atap ótti. Sondyqtan, onyń oıynsha, Qazaqstandaǵy jarnama ishpystyrarlyq bolmaýy tıis.
«Adamdar brendterdiń kompanıalaryna qyzyǵýshylyqpen ózderi qatysyp, qyzyqty jaǵdaılardyń qaharmandary atanyp, keremet áser alýy úshin, kúshimizdi aldyńǵy qatarly sıfrlyq quraldarǵa shoǵyrlandyramyz», – dedi Koreıadan kelgen menedjer.
Oqı otyryńyz:
♦Samsung Coding Lab mektebiniń úzdikterine smartfon syılady
♦AMD jáne Samsung kompanıalary strategıalyq seriktestik ornatty
