Beeline jelini jappaı jańǵyrtýdy bastaǵanyn jáne 5G synaq aımaǵyn ashýǵa daıyndalyp jatqanyn jarıalady dep habarlaıdy Qamshy.kz aqparat agenttigi. 

Jyl sońyna deıin jeliniń syıymdylyǵy Almaty men Shymkentte sáıkesinshe 3 jáne 4 ese artady. Odan bólek, halqynyń jalpy sany bir mıllıondy quraıtyn 107 eldi meken 4G jelisine qosylady.

Beeline KSellmen aradaǵy jelini birge paıdalaný týraly kelisimnen shyqqan soń, jeke damýǵa kóńil bóldi. Bazalyq stansıalarǵa ornatylatyn jańa qondyrǵy jeliniń sapasyn aıtarlyqtaı jaqsartady jáne keleshekte 5G standartyna jyldam aýysýǵa múmkindik beredi.

«Biz taralymdy keńeıtip qana qoımaı, sonymen qatar sapany da arttyryp jatyrmyz. Byltyr Nur-Sultanda MIMO 4h4 tehnologıasy iske qosyldy. Halyqaralyq jiktelim boıynsha ol 4,5G-ge para par, bıyl ony Almaty turǵyndary da paıdalana alady. MIMO 4h4 jyldamdyǵy ádepki LTE-den birneshe ese joǵary. Kelesi qadam – 2020 jyly Massive MIMO-ny iske qosý bolmaq. Bul 4.9G halyqaralyq standartyna jaqyndaýymyzǵa múmkindik beredi. Al bıyl kúzde Shymkentte 5G jelisin tanystyramyz. Ol synaq jobasy bolady, sonyń negizinde tehnologıaǵa aldaǵy ýaqytta salynatyn ınvestısıa kólemi men ony engizý strategıasyn anyqtaımyz», - dep Beeline Qazaqstannyń Tehnıkalyq dırektory Oleg Snımshıkov pikir bildirdi.

Synaq jobasy kezinde Shymkent qalasynyń ortalyǵynda 5G standartyndaǵy servısterdi usynatyn birneshe bazalyq stansıa jumys isteıdi. Tehnologıanyń artyqshylyqtaryn 2019 jyly İİİ toqsanda baǵalaýǵa bolady. Synaq jobasy nátıjesiniń negizinde Beeline Qazaqstannan bólek, 5G jelisin damytý strategıasyn VEON tobynyń barlyq kompanıasy jasaıdy.

Qazir Beeline baılanysyn Qazaqstannyń 3700-den astam qalasy men eldi mekeninde paıdalanýǵa bolady. Bul – halyqtyń 95%-y, olardyń 65%-y 4G standartyndaǵy ınternetke qol jetkize alady. Beeline jelisi 1999 jyly ashylǵan jáne zamanaýı baılanystyń barlyq standartyna saı sátti qyzmet etip keledi.

***

Beeline Qazaqstan — abonentter sany boıynsha kósh basynda!

Kompanıa mobıldi jáne turaqty telefonıa qyzmetin, halyqaralyq jáne qalaaralyq baılanys, málimetter joldaý,  optıkalyq-talshyqty qosylý, symsyz tehnologıalar,  Wi-Fi, úshinshi jáne tórtinshi býyndaǵy jeliler negizderinde ınternetke qosylý qyzmetterin kórsetedi. Ádepki qyzmetter tiziminen bólek, Beeline kóptegen digital amal-shart usynady, olar: mobıldi qarjy, mýltımedıalyq servıster, konvergentti qyzmetter, NB-IOT buıymdar ınterneti, sondaı-aq  M2M, MDM, E2E sheshimderi.

Reputation Institute-nyń abyroılyq aýdıtiniń qorytyndysy boıynsha Beeline Qazaqstan elimizdegi eń qurmetti operator bolyp tanyldy.

Operator shtab-páteri Amsterdam (Nıderlandy) qalasynda ornalasqan, «Veon» halyqaralyq  telekomýnıkasıalyq holdıńiniń bir bóligi. Veon – telekomýnıkasıalyq jáne ınternet-qyzmetterdiń jahandyq provaıderi, onyń aksıalary NASDAQ jáne Euronext Amsterdam naryqtarynda satylady.