Shilde aıynda antıvandal qorǵanysy men GPS-trekerleri bar 300 elektrosamokat 35 orynǵa qoıylady dep habarlaıdy Qamshy.kz aqparat agenttigi Kolesa.kz saıtyna silteme jasap.

Álemdik tájirıbe kórsetkendeı, jalǵa alynǵan elektrosamokatpen qozǵalý ýaqyty 5-7 mınýt. Ony kóbine metro beketine ne aıaldamaǵa deıin jetý úshin paıdalanady. Bizdiń Android jáne IOS júıelerine arnalǵan qosymshalarymyzdyń kómegimen paıdalanýshylar bank kartasy arqyly tólem jasaı alady. «OŃAI» kartasy arqyly tóleý múmkindigin berý de josparda bar. Jyl sońyna deıin biz taǵy 500 samokatty iske qosamyz, — dedi Ozim scooters startapynyń dırektory Asylbek Esenov.

Esterińizde bolsa, bir jyl buryn Almatyda velosıpedterdi jalǵa beretin servıs túri iske qosylǵan bolatyn. Alaıda tájirıbe kórsetkendeı, bizge mundaı jańalyqtardy engizýge áli erte sıaqty, sebebi jalǵa beriletin ofo velosıpedteri talan-tarajǵa túsken edi. Qazirgi tańda jumysyn jalǵastyryp kele jatqan tek mýnısıpaldyq «Almaty baık» qana.