2019 jyldyń 28 mamyrynda ótken AQSH-tyń Vırdjınıa shtatynyń Ferfaks okrýgtik soty Muhtar Ábilázovtyń ápkesi G.Qusaıynovaǵa qarsy birlesken "BTA Banki" AQ jáne Syrtqy basqarýshylar paıdasyna 6,598,313 AQSH dollary mólsherindegi aktıvterdi qalpyna keltirý týraly sheshim shyǵardy dep habarlaıdy Qamshy.kz aqparat agenttigi "BTA Banki" AQ baspasóz qyzmetine silteme jasaı otyryp.

Aryz olıgarh Muhtar Áblázovtyń týǵan ápkesi – Gaýhar Qusaıynovaǵa qatysty qaralǵan.

Aryz sotqa 2016 jyldyń maýsym aıynda berilgen eken. Talaptarda Qusaıynovaǵa qatysty shyǵyndy óteý jáne BTA-nyń ózge de talaptaryn qanaǵattandyrý týraly kórsetilgen.

Sot Áblázovqa aktıvterdi urlaýǵa kómektesý jónindegi áreketterdi zańsyz dep tanydy.

"Áblázov BTA-ǵa qarsy basqa da alaıaqtyq árekettermen qatar, BTA-dan urlanǵan aqsha qarajatynyń 6 mln dollar kólemindegi bóligin Qusaıynovaǵa zańsyz jolmen jibergen. Alynǵan aqsha qarajatyn Qusaıynova jeke maqsatta, sonyń ishinde AQSH-ta birneshe lúks jyljymaıtyn múlik nysandaryn satyp alýǵa paıdalanǵan", - delingen qarjy uıymynyń habarlamasynda.

İs 2016 jyly qýdalaýda júrgen kásipkerdiń aktıvterin "syrtqy basqarýshylar" Djon Mılsom men Devıd Stendısh sotqa osyǵan uqsas talaptarmen júgingen soń biriktirildi.

Aryz qanaǵattandyrylǵan soń ortaq talapkerlerge Qusaıynovanyń 6,6 mln dollarǵa baǵalanatyn Ferfaks jáne Aleksandrıa aýmaǵynda ornalasqan jyljymaıtyn múligin ustap turý quqyǵy berildi.

Kórsetilgendeı, BTA Bankiniń paıdasyna qabyldanǵan bul sheshim – Áblázov urlaǵan aktıvterdi qaıtarý boıynsha taǵy bir mańyzdy qadam.