«Sońǵy 15 jyl boıy Túrkıadaǵy saıasat sahnasynyń tórinen túspegen, áýeli premer-mınıstr bolyp, 2014 jyldan beri prezıdentke aınalǵan Erdoǵan lıra baǵamynyń qubylýyn "áleýmettik jelilerdegi ekonomıkalyq terrorshylardan" kórdi jáne munyń artynda óziniń NATO boıynsha odaqtasy AQSH tur dep málimdedi («ÁLEM Kináni shetten izdeýge sheber basshylar» atty maqaladan úzindi, azattyq.org portalynan alyndy).

Tramp AQSH prezıdenti bolǵaly álem saıasatynda alýan túrli qubylystar bolyp turatyny daǵdyǵa aınalyp keledi.

Bizge baýyrlas Túrkıa respýblıkasyn 15 jyl boıy basqaryp kele jatqan  Erdoǵan da Ortalyq Azıadaǵy jas táýelsiz memleketter «máńgileri» sıaqty ol da jeke-dara bıleýdiń «has sheberine» aınalyp úlgerdi dese de bolady. Álem baspasózindegi aqparattarǵa qaraǵanda 2016 jylǵy Túrkıadaǵy «áskerı tóńkeris»- mis degen de negizinen Erdoǵan bıligin «máńgilik bılikke aparatyn tóte jol» degender qatary mol sıaqty ma, qalaı?..

Atatúrik negizin qalaǵan bul táýelsizTúrkıa jumhurıeti -  burynǵy sáni men saltanatyn birtindep joǵaltyp jatqandaı áser etedi eken. Qaı elde bılikke dıktator kelse, sol eldiń  qarapaıym halqy qatty qysym kóretini taǵy da aıqyn.

AQSH-tyń Túrkıa mınıstrlerine sanksıa salǵany sol eken Erdoǵan týra keshegi qyzyl komýnısershe qoqan-loqy kórsetip, AQSH-tyń elektrondy apparattarynan, dollardan bas tartyp, qyzyq-qyzyq minezder kórsetýde. Kesheden beri Túrkıany ekonomıkalyq tyǵyryqtan alyp shyǵý úshin Katar sıaqty baı memleketterden san mıllıard dollarlar turatyn qaryzdy ókirtip turyp alyp jatyr taǵy da. Ózi dollardan bas tartady, taǵy da basqa elderden sol dollarmen qaryz alady. Túsiniksiz...

Sonymen birge Túrkıa tarıhynda Reseımen keremet «dostyq» qatynasqa kóshken Erdoǵannyń ne oılaǵany bary da, bylaıǵy jurtqa jumbaq...

Bul AQSH-tan ashyq túrde bas tartqan bul myrzanyń qazirgi eń senimdi dosy - orekeńder bolyp shyǵa kelgeni de kópshilikke túsiniksiz kórinýde.

Bizdegi jáne shetelderdegi kóptegen áriptesteri syndy bul adamnyń da shetelderdegi ofshorlarda  tyqqan dollarlary bar deıdi. Bul shyn ba, ótirik pe, ony tap basyp aıta almaımyz... Sonda ofshorshylardyń barlyǵy da salyqtan jasyryp, shetel asyrǵan urlyq baılyqtaryn tek dollarmen tyǵatyn kórinedi. Sóıte turyp, ózderi dollardan bas tartqansıdy. Buǵan kim senedi?..

Jalpy qaramaǵyndaǵy qarapaıym halyqty buǵan sendirýge bolatyn shyǵar, al, kózi ashyq, bilikti jandardy aldaı almaıtyndaryn nege bilmeı qalady eken?

Álemdegi «dıktator» ataýlylylardyń barlyǵy da eń aldymen ózi bılegen memleketti tonaýshylar ekenin jurttyń bilip qalǵaly qashan...  

Jyl saıyn álemdegi «ury dıktator» ataýlylardyń qatary ósip kele me, joq, óshý aldynda ma?

Bul suraqqa da óz basym jaýap bere almaımyn.

Meniń bir biletinim - óz memleketin aıaýsyz tonaǵan kez kelgen dıktator – túptiń túbi zań aldynda jaýap beretini. Ana esepsiz urlap, ofshorlarǵa tyqqandary qalqyp sý betine shyǵyp, ury da, onyń barlyq jaqyn týystary da masqara bolatyny aıdaı aqıqat!..

Biz áńgimege arqaý etip otyrǵan baýyrlas eldiń kósemi  Erdoǵan myrza -«dıktator» ma, joq, «demokrat pa?..» - buǵan jaýapty túbinde Tarıh qana beretin bolady!..

Jumash Kókbóri