Ulttyq ekonomıka mınıstrliginiń burynǵy basshysy Qýandyq Bıshimbaevty Astanadaǵy túrmeden ońtústikke qaraı almastyrdy dep habarlaıdy Qamshy.kz aqparat agenttigi "Eýrazıa" telearnasynyń deregin negizge alyp. Eks-mınıstrdi qashyp ketedi dep oılasa kerek, ony tasymaldaý kezinde Ulttyq gvardıanyń onnan astam sarbazy kúzetipti.
Burynǵy sheneýnik jazasyn endi Shymkenttiń irgesindegi Lenger qalasynda ornalasqan túrmede óteıtin bolady. Bul - asa qaýipti qylmyskerlerdi ustaıtyn qatań rejımdegi kolonıa. 1976 jyly salynǵan ǵımarat 500 sottalýshyǵa laıyqtalǵan.
Túrmeniń Astanadaǵy túrmeden aıyrmashylyǵy joq, baı-baǵlandar úshin de eshqandaı jaǵdaı jasalmaǵan. Munda adam óltirgeni, zorlaǵany úshin jáne iri kólemde qarjy urlaǵany úshin sottalǵandar jazasyn óteıdi.
Qýandyq Bıshimbaevtyń ózi Shymkenttiń týmasy bolǵandyqtan jáne týǵan-týystarynyń osy qalada turatyndyqtan úshinshi megapolıske kóshirilipti.
Eske salaıyq, Ulttyq ekonomıka eks-mınıstri bıyl naýryz aıynda 10 jylǵa sottalǵan bolatyn. Oǵan birneshe ret para aldy jáne senip tapsyrylǵan múlikti talan-tarajǵa saldy degen aıyptar taǵylǵan.
Pikir qaldyrý