Jas ánshi, án óńdeýshi, qazaq estradasyndaǵy birneshe hıt ánniń avtory Baqytqalı Qonysbaev búgingi zamannyń «jyraýy» Jan Ahmadıev maǵan qoqan-loqy kórsetip júr dep ınstagramdy shýlatty. Baqytqalı Qonysbaevtyń ınstagram paraqshasyna kirip, vıdeony kórýge asyq boldyq. «Atyp ketemin, múgedek jaǵdaıǵa túsiremin» degen sózder estiletin vıdeony ınstagramnan kóre alasyzdar. Naqty oqıǵa bastalmas buryn Baqytqalı Qonysbaevtyń kamerany ádeıi aldyn-ala stýdıanyń qabyrǵasyna ornalastyryp, qonaǵyn asyqpaı kútkeni anyq baıqalady. 

İstiń mán-jaıyn anyqtaý úshin tilshimiz Baqtyqalı Qonysbaevtyń ózine habarlasyp kórdi. 

«Birneshe aı buryn óziniń suraýymen bir án jazyp berdim. Alǵash jazyp bergenimde kóńilinen shyqqandaı bolyp, raqmetin aıtty. Toılarda shyrqap júrdi. Mine, bir aptaǵa jýyqtap qaldy, stýdıaǵa kelip nemese telefon shalyp ánniń aqshasyn qaıtaryp berýimdi talap etedi. Tipti dórekilik tanytady. "Uryp ketemin, sóıtemin-búıtemin" dep qorqytady. Menińshe, ol jaı aqshasyn óndirip alýdy maqsat etip otyr», - deıdi Baqytqalı.

Baqytqalı Qonysbaev Jan Ahmadıevpen birinshi ret shyǵarmashylyq baılanys ornatýy eken. Buǵan deıin Qaırat Nurtas, Tóreǵalı Tóreáli syndy halyqtyń súıikti ánshilerine án jazyp júrgen óńdeýshiniń eńbegin búgingi zamannyń «jyraýy» esh etkenine Baqytqalı qapaly. Sebebi óziniń ary taza ekenine senimdi. "Án jazarda qatty tebirenemin. Halyqtyń kóńilinen shyqsa eken dep ishteı tileımin.  Án halyq úshin jazylǵandyqtan jaýapkershiligin jete túsinemin», dep qorytty Baqytqalı.

Vıdeodan buryn ánshiniń «Jan Ahmadıev degen MAL» degen sózderdi taqyryp etip alýy nazarymyzǵa tústi. «Malym-janymnyń sadaǵasy" deıtin qazaqpyz ǵoı, qashannan beri "mal" qorlaý sózine aınalyp ketti» dep oıladyq, kóńilimizge kirbiń tústi. Bul, árıne, uzaq áńgimeniń arqaýyna aınalar bólek taqyryp.

 

 

View this post on Instagram

 

 

Jan Ahmadıev maǵan bir ánge zakaz bergen. Jazyp berdim, oǵan bári unaǵan. Endi kelip zapıstiń sapasy nashar aqshany qaıtar, ılı taǵy bir án jazyp ber dep ýgroza kórsetýde. Áıtpese atyp ketem, ınvalıd jasaım anaý-mynaý deıdi. Jigittik emes qoı bul. Qazaqpyzgoı dep tıpa zamanaýı jyraý bop júrgen jigittiń maskasyn sheshý maksatynda osy vıdeony salyp otyrmyn! Mende jerge qarap qalǵan jigit emespin!!! #popýtal

A post shared by studio_sound_ (@bakytkali_konysbaev) on Sep 12, 2018 at 7:45am PDT

Eki jaqtyń da pikirin bileıik degen tilshimiz Jan Ahmadıevtiń ózine habarlasyp kórdi. Biraq telefony, ókinishke qaraı, sóndirýli. 

Baqytqalı Qonysbaev ánshilerge án jazýdan bólek, jastar arasynda endi ǵana tanylyp kele jatqan ánshi. Buǵan qosa fılmderge arnap án jazatyny taǵy bar eken. Aıtalyq, rejıser Erkin Raqyshevtiń barlyq fılmderiniń saýndtregin jazǵan Baqytqalı Qonysbaev eken.

Al «jezókshelerdi qamshymen sabaǵan» Jan Ahmadıev ózin búgingi zamannyń jyraýyna teńeıdi. «Zamanaýı jyraý» degen atpen tanymal ol sońǵy jyldary birneshe márte halyqtyń synyna ushyrap úlgerdi. Ony qoldaýshylardan góri synaýshylardyń qatary kóp. Youtube jelisinde avtorlyq repterine beınebaıandar túsirip, qazaq halqynyń kózin ashýdy nıet etti. Alaıda «jaqsy nıetpen» bastalǵan ár isi halyqtyń qaharyna ushyrap jatty. "Qazaqpyz ǵoı" dep qazaq qoǵamynyń túıitkildi máselelerin ashyq túrde jyrlaǵan Jan Ahmadıevtiń óz baýyryna kelgende qatygezdenýi, álbette, kórermen qaýymdy oılandyrmaı qoımaýy múmkin emes. Biraq aldyn-ala ton pishýge asyqpaımyz.  .