Donald Tramp jaqyn arada quny 200 mıllıard dollarǵa teń Qytaı eksportyna qatysty qosymsha salyq engizýdi josparlap otyr dep jazady Qamshy.kz aqparat agenttigi. Sheteldik BAQ-tyń málimetinshe, AQSH ákimshiligi buryn málámdegendeı 25 paıyz emes, 10 paıyzdyq baj salyǵyn engizbek. 

Alaıda bul sharanyi qashan júzege asyrylatynyn belgisiz. Tramp Qytaımen saýda kelisimin júrgizbeı turyp Pekınge sanksıany kúsheıtýdi josparlap otyr. 

Pekın Qytaıda jumys isteıtin amerıkandyq kompanıalardan tehnologıalaryn qytaılyq seriktesterine berýdi talap etedi. Vashıngton bolsa bul tájirıbeden bas tartý kerek dep esepteıdi.

Buǵan deıin Tramp 50 mlrd dollarǵa baǵalanǵan qytaılyq taýarlarǵa 25 paıyzdyq salyq salǵan bolatyn. Al Qytaı bolsa AQSH-tyń sanksıasyna sanksıamen jaýap berip keledi. Biraq Qytaı úshin kezekti sanksıa qıynǵa soǵatyn sekildi. Sebebi Qytaıdyń AQSH-tan ımporttaıtyn taýarynan, eksporttaıtyn taýary kóp.

Dese de,  Qytaıǵa eksporttalatyn 60 mıllıard dollarlyq amerıkalyq et ónimderi, kofe, jıHaz ben kólik qural-saımandyryna aıtarlyqtaı qaýip tónýi múmkin.