Óskemendegi myna meshit Halıfa Altaı atamyzdyń atynda eken. Osyndaı záýlim ǵımarattyń dál sol kisiniń esimimen atalǵany qýantty. Óıtkeni ol kisiniń Qurandy alǵash bolyp qazaqshaǵa aýdarǵany óz aldyna ǵalamat eńbek bolsa, táýelsizdik alǵannan keıin elge oralýy tipti erekshe hıkaıa.
Halıfa atamyz sonaý 1991 jyly Túrkıa kósheleriniń birinde kele jatyp Qazaqstannyń táýelsizdik alǵanyn radıodan estipti. Estı sala kózine jas alyp, turǵan jerinde shúkir sájdesin jasapty. Sosyn úıine kelip kempirine: "Bizge munda endi qalýdyń qajeti joq. Elimiz táýelsizdik alypty, Otanymyzǵa qaıtaıyq" dep bir-aq sátte jınalyp, Qazaqstanǵa alǵashqylardyń biri bop kóship kelgen desedi. Ne degen júrek ? Eliniń ústindegi ne degen nıet! Elge kele sala dinge qyzmet etýge kirisken atamyz mundaı záýlim meshittiń atyn ıelenýge ábden laıyq.
Óskemenniń maǵan taǵy bir unaǵan jeri saıabaǵy boldy. İshinde túrli ulttardyń úıleri salynǵan etnoaýyl bar. Kól de, jaǵajaı da, orman da, mýzeı de bir parktiń ishinen tabylady. Ádemi endi! Al sizderge Óskemen qalasy nesimen unaıdy?
Marfýǵa Shapıan Instagram paraqshasynan
